ભરૂચ: SOGએ શહેરમાં આવેલ સીટી સેન્ટર અને સિતપોણ ગામેથી પ્રતિબંધિત ઇ સિગારેટનું વેચાણ ઝડપી પાડ્યું

ભરૂચ સ્પેશ્યલ ઓપરેશન ગ્રુપના કર્મચારીઓને બાતમી મળેલ કે ભરૂચ સીટી સેન્ટરમાં ક્રેજી બાઇટ નામની દુકાનમાં રૈયાન પટેલ નામનો ઈસમ ભારત સરકાર દ્વારા પ્રતિબંધિત કરેલ ઇ-સિગારેટનો જથ્થો ગેરકાયદેસર રીતે રાખી તેનુ વેચાણ કરે છે અને હાલમા તેની આ પ્રવુતિ ચાલુ છે જે બાતમીના આધારે દરોડા પડતા વિદેશી કંપનીની ઇ-સિગારેટ મળી કુલ નંગ-૧૦ જેની કિ.રૂ.૩૫,૦૦૦/- નો મુદ્દામાલ ઝડપાયો હતો.પોલીસે આરોપીની ધરપકડ કરી તેની કાયદેસરની કાર્યવાહી હાથ ધરી હતી.

આ તરફ એસ.ઓ.જી.ને બાતમી મળી હતી કે નબીપુર નજીકના સીતપોણ ગામ ટંકારીયા રોડ ખાતે રહેતા ઈમરાન આદમ પટેલ  તેના ઘરે ભારત સરકાર દ્વારા પ્રતિબંધિત કરેલ ઇ-સિગારેટનો જથ્થો ગેરકાયદેસર રીતે વેચાણ કરવા હેતુ રાખેલ છે જેના  આધારે તપાસ કરતા જુદી જુદી વિદેશી કંપનીની ઇ-સિગારેટ તથા ફલેવર (રીફીલ) મળી કુલ નંગ-૪૭ તેમજ મોબાઈલ ફોન નંગ ૦૧ કુલ્લે મુદ્દામાલ કિ.રૂ. ૯૮,૦૦૦/- નો મુદ્દામાલ કબ્જે કરવામાં આવ્યો હતો અને આરોપીની ધરપકડ કરવામાં આવી હતી.