ભરૂચ: 10 વર્ષની નિર્ભયાને પિંખનાર નરાધમ આરોપી પોલીસના વધુ 7 દિવસના રિમાન્ડ પર, પોટેન્શિયલ ટેસ્ટ પણ કરાશે

• ભરૂચમાં 10 વર્ષીય બાળકી સાથે દુષ્કર્મનો મામલો

• નરાધમ આરોપીને ફરી કોર્ટમાં રજૂ કરાયો

• કોર્ટે આરોપીના વધુ 7 દિવસના રિમાન્ડ કર્યા મંજુર

• આરોપીનો પોટેન્શિયલ ટેસ્ટ પણ કરાશે

• બાળકીનો જીવન સાથે જંગ યથાવત

ભરૂચમાં 10 વર્ષીય બાળકી પર દુષ્કર્મ આચરવાના ચકચારી મામલામાં નરાધમ આરોપી વિજય પાસવાનના આજરોજ પાંચ દિવસના રીમાન્ડ પૂર્ણ થતા તેને પોલીસે અંકલેશ્વરના એડિશનલ ડીસ્ટ્રીકટ સેસન્સ જજની કોર્ટમાં રજૂ કર્યો હતો અને વધુ દસ દિવસના રિમાન્ડની માંગણી કરી હતી તેની સામે પોલીસ કોર્ટે આરોપીના વધુ સાત દિવસના રિમાન્ડ મંજૂર કર્યા છે.આ સમગ્ર પ્રકરણમાં કોર્ટ આરોપીનો પોટેન્શિયલ ટેસ્ટ પણ કરાવશે.આ સાથે જ બાળકીને ઈજા પહોંચાડવા માટે લોખંડના સળિયા ઉપરાંત તીક્ષણ હથિયારનો પણ ઉપયોગ કરાયો હોવાની શંકા સેવાઈ રહી છે.તો સાથે જ દુષ્કર્મ બાદ ઉપયોગમાં લેવાયેલ સળિયો પોલીસે રિકવર કરવાનો  બાકી છે.