By
New Update
ભરૂચની જંબુસર ખેતીવાડી ઉતપન્ન બજાર સમિતિના ચેરમેનપદની ચૂંટણીમાં ઇફકો વાળી થઇ છે. ભાજપના મેન્ડેટ પર ચૂંટણી લડી રહેલાં ઉમેદવારનો જ પરાજય થયો છે.
ભરૂચ જિલ્લાના તાલુકા મથક જંબુસર એપીએમસીમાં ભાજપમાં જ બળવાની સ્થિતિનું નિર્માણ થયું છે. APMCમાં ચેરમેનપદ માટે અઢી વર્ષની ટર્મ પુરી થતાં શુક્રવારે ચૂંટણી યોજવામાં આવી હતી. એપીએમસીમાં સત્તાધારી ભાજપ તરફથી આગામી ચેરમેને તરીકે ભુપેન્દ્રસિંહ રાઠોડના નામનું મેન્ડેડ આપવામાં આવ્યું હતું. પક્ષના સત્તાવાર ઉમેદવારની સામે વર્તમાન ચેરમેન અને પૂર્વ મંત્રી છત્રસિંહ મોરીના દીકરા વનરાજસિંહ મોરીએ ઉમેદવારી કરી સૌને ચોંકાવી દીધા હતાં.
ચૂૂંટણી અધિકારી અને જિલ્લા રજીસ્ટ્રાર પરેશ કણકોટીયાની હાજરીમાં મતદાન કરાવવામાં આવતાં ભુપેન્દ્રસિંહ રાઠોડને 4 જયારે વનરાજસિંહ મોરીને 15 મત મળતાં તેમને વિજેતા જાહેર કરવામાં આવ્યાં હતાં. જંબુસર એપીએમસીમાં બનેલી ઘટનાથી તાજેતરમાં ઇફકોની ચૂંટણીમાં બનેલી ઘટના તાજી થઇ હતી.આ અંગે વનરાજસિંહ મોરીએ જણાવ્યું હતું કે અમે બધા ભાજપના જ છીએ ભાજપના મેન્ડેટવાળા ઉમેદવારની હાર જેવું કઇ નથી. અમે બધા ભાજપના જ છીએ. બધા ડીરેકટરોએ મને મત આપી ફરી વખત ચેરમેન બનાવ્યો છે. અમારા એપીએમસીમાં ઇફકો જેવું થયું તેવું ન કહી શકાય.
Latest Stories