ભરૂચ: સેવા યજ્ઞ સમિતિમાં સારવાર લઈ રહેલ નિરાધાર દર્દીઓને રાખડી બાંધી રક્ષાબંધનના પર્વની ઉજવણી

ભરૂચ સિવિલ હોસ્પિટલમાં કાર્યરત સેવા યજ્ઞ સમિતિમાં સારવાર લઈ રહેલા દર્દીઓને બિરલા ગ્રાસિમ કંપનીની મહિલા કર્મચારીઓ દ્વારા રાખડી બાંધી રક્ષાબંધનના પર્વની ઉજવણી કરવામાં આવી હતી

ભાઈ બહેનના પવિત્ર પ્રેમના પ્રતિક એવા રક્ષાબંધનના પર્વને આડે હવે ગણતરીના દિવસો બાકી રહ્યા છે ત્યારે બિરલા ગ્રાસિમ કંપનીના મહિલા કર્મચારીઓ દ્વારા અનોખી રીતે રક્ષાબંધનના પર્વની આગોતરી ઉજવણી કરવામાં આવી હતી. મહિલા કર્મચારીઓ દ્વારા ભરૂચ હોસ્પિટલમાં કાર્યરત સેવા યજ્ઞ સમિતિ ખાતે રક્ષાબંધનના પર્વની ઉજવણી કરાઈ હતી. સેવા યજ્ઞ સમિતિ દ્વારા નિરાધાર દર્દીઓની સેવા કરવામાં આવે છે ત્યારે ઘણા દર્દીઓ અહીં રહે છે તેઓને બહેનો દ્વારા રાખડી બાંધવામાં આવી હતી