ભરૂચ: આમોદના પૂરસા ગામમાં 14 ફૂટ લાંબો મગર નજરે પડતા ફફડાટ, વન વિભાગે રેસ્ક્યુ ઓપરેશન હાથ ધર્યું

ભરૂચના આમોદ તાલુકાના પૂરસા ગામમાં શુક્રવારે રાત્રે  14 ફૂટ લાંબો મહાકાય મગર ગામમાં ઘૂસી આવતા લોકોમાં દહેશત ફેલાઈ હતી. આ મગર ગામની પાછળ વહેતી ઢાઢર નદીમાંથી બહાર આવીને વસાહતમાં પ્રવેશ્યો હતો.આ અંગે ગામ લોકોએ તરત જ ફોરેસ્ટ વિભાગને જાણ કરી હતી ત્યારબાદ રેસ્ક્યૂ ટીમ ઘટનાસ્થળે પહોંચી અને ચુસ્ત કામગીરી સાથે મગરને પકડી લીધો હતો.ગામલોકોએ તત્કાલ કાર્યવાહી બદલ ફોરેસ્ટ વિભાગનો આભાર વ્યક્ત કર્યો હતો.