અંકલેશ્વરમાં મુસ્લિમ સમાજ દ્વારા T-20 ક્રિકેટ ટુર્નામેન્ટનું ભવ્ય આયોજન, ઓકસન દ્વારા 175 ખેલાડીઓની ફાળવી

સજ્જુ મચ્છીવાલાના નેતૃત્વ હેઠળ આયોજિત આ ટુર્નામેન્ટ યુવા પ્રતિભાને બહાર લાવવા, સમાજમાં એકતા જાળવવા અને એકબીજા પ્રત્યે આત્મીયતા વધારવા માટેનો એક સકારાત્મક પ્રયાસ છે.આ ટુર્નામેન્ટમાં સમાજની કુલ છ ટીમો ભાગ લઈ રહી છે. આ ટુર્નામેન્ટ માટે સમાજના કુલ ૧૭૫ ખેલાડીઓએ ઉત્સાહભેર ફોર્મ ભર્યા હતા. જેમાંથી પારદર્શિતા અને ખેલની ભાવના જળવાઈ રહે તે માટે ઓક્શન હરાજી પ્રક્રિયા દ્વારા દરેક ટીમે ૧૫-૧૫ ખેલાડીઓની પસંદગી કરવામા આવી હતી. આ ક્રિકેટ મહાકુંભની પ્રથમ મેચ ૨૦ નવેમ્બરના રોજ રમાશે અને દસ દિવસ સુધી ચાલનારી આ રોમાંચક સ્પર્ધાની ફાઈનલ મેચ ૩૦ નવેમ્બરના રોજ યોજાશે. સમગ્ર સમાજ આ ટુર્નામેન્ટને સફળ બનાવવા માટે ઉત્સુક છે અને યુવાનોમાં ભારે ઉત્સાહ જોવા મળી રહ્યો છે.