ભરૂચ: જંબુસરમાં અજગર નિકળવાનો સિલસિલો યથાવત, વધુ 2 અજગરનું રેસ્ક્યુ કરાયુ

ભરૂચના જંબુસરમાં પૂરના પાણી ઓસર્યા બાદ અજગર નીકળવાનો સિલસિલો યથાવત રહ્યો છે ત્યારે વધુ બે અજગરનુ રેસ્ક્યુ ઓપરેશન કરવામાં આવ્યું હતું

ભરૂચના જંબુસર નજીકથી પસાર થતી ઢાઢર નદીમાં પૂરના પાણી ઓસર્યા બાદ વિવિધ વિસ્તારોમાંથી અજગર મળવાનો સિલસિલો યથાવત રહ્યો છે. જંબુસરના કોરા ગામે રેલવે નાળાની નીચે માછલીની જાળમાં અજગર જોવા મળ્યો હતો જેની જાણ જીવદયા પ્રેમી દાનિશ સૈયદને કરાતા તેઓ તેમની ટીમ સાથે આવી પહોંચ્યા હતા અને અજગરનું રેક્યું કર્યું હતું. તો બીજી તરફ મગણાદ ગામે આવેલ કૃષ્ણ હોટલની સામેથી અન્ય એક અજગરનું પણ રેસ્ક્યુ કરવામાં આવ્યું હતું. જીવ દયા પ્રેમીઓએ બન્ને અજગરને પકડી તેઓને સુરક્ષિત જગ્યાએ છોડી મૂકવાની તજવીજ હાથ ધરી હતી.