ભરૂચ શહેરના શુકુન બંગ્લોઝમાં બે મકાનમાં ચોરીને અંજામ આપતા તસ્કરો,રૂપિયા 2 લાખનો મુદ્દામાલ ચોરી કરી ચોર ફરાર

ભરૂચ શહેરના મુનશી સ્કૂલ નજીક શુકુન બંગ્લોઝમાં તસ્કરોએ બે મકાનોને નિશાન બનાવી ચોરીને અંજામ આપ્યો હતો. અને રૂપિયા1.95લાખની માલમતાની ચોરી કરીને ચોર ફરાર થઇ ગયા હતા.

ભરૂચના બાયપાસ વિસ્તારમાં મુનશી સ્કૂલ નજીક શુકુન બંગ્લોઝ નામની સોસાયટી આવેલી છે. આ સોસાયટીમાં ગતરોજ રાત્રિના તસ્કરો ત્રાટકી બે મકાનોને નિશાન બનાવ્યા હતા.જેમાં સુકુન બંગ્લોઝના મકાન નંબર85માં રહેતા ઈમ્તિયાઝ અહેમદ મન્સુરીના મકાનને નિશાન બનાવી તેમના ઘરમાં રહેલા ચાંદીના દાગીના સોનાની વીંટી,અછોડો,રોકડા રૂપિયા સહિત રૂપિયા1.45લાખની ચોરી થઈ હતી.જ્યારે મકાન નંબર86માંથી રૂપિયા50હજારની ચોરી થઈ હોવાનું સ્થાનિક લોકો જણાવી રહ્યા છે.આમ બે મકાનમાં ચોરી કરીને ચોર રૂપિયા1.95લાખની માલમત્તા પર હાથફેરો કરી ફરાર થઇ ગયા હતા.

સર્જાયેલી ચોરીની ઘટના અંગે પોલીસ મથકમાં અરજીરૂપે ફરિયાદ આપવામાં  આવી હતી,જેના આધારે પોલીસે તપાસ શરૂ કરી છે.