ભાવનગર: સિઝનનો પ્રથમ વરસાદ વરસતા ખેડૂતોમાં ખુશીનો માહોલ,વાતાવરણમાં ઠંડક
વહેલી સવારથી ભાવનગર શહેર પર કાળાડિબાંગ વાદળો છવાયા હતા અને ધીમીધારે શહેરમાં વરસાદનો પ્રારંભ થયો હતો.
BY Connect Gujarat Desk25 Jun 2023 12:21 PM GMT
X
Connect Gujarat Desk25 Jun 2023 12:21 PM GMT
ભાવનગરમાં સિઝનનો પ્રથમ વરસાદ વરસ્યો હતો જેના કારણે વાતાવરણમાં ઠંડક પ્રસરી હતી બીપોરજોય ચક્રવાતને પગલે રાજ્યમાં ચોમાસા ઋતુનો થોડો મોડો પ્રારંભ થયો છે ત્યારે આજે સિઝનનો પ્રથમ વરસાદ ભાવનગર શહેરમાં પડી રહ્યો છે.ગઈકાલે જેસર પંથકમાં વરસાદ પડયા બાદ આજે વહેલી સવારથી ભાવનગર શહેર પર કાળાડિબાંગ વાદળો છવાયા હતા અને ધીમીધારે શહેરમાં વરસાદનો પ્રારંભ થયો હતો.
આજે રવિવાર હોય મોટાભાગનો વેપાર આજે બંધ હોય છતાં વેપારીઓ અને લોકો અડધો દિવસ પોતાના કામે નીકળ્યા બાદ વરસાદ વરસતા તેઓ પણ વરસાદનો આનંદ લેતા માર્ગો પર નીકળી રહ્યા હતા. ધીમીધારે વરસતા કાચા સોના સમાન વરસાદથી જગતનો તાત પણ ખુશ થયો હતો.જેથી વાવણી લાયક વરસાદની રાહ જોતો ખેડૂત હવે સારા વરસાદ બાદ વાવણી કાર્યમાં જોડાશે.
Next Story