બોર્ડર ઇશ્યૂઃ મુંબઈના બસ સ્ટોપ પર કર્ણાટકના સીએમના પોસ્ટર પર ફેંકવામાં આવી શાહી, વિવાદ વધવાની ભીતિ..!

આસામ અને મેઘાલય વચ્ચેનો સીમા વિવાદ હજુ અટક્યો ન હતો કે મહારાષ્ટ્ર-કર્ણાટક સરહદ વિવાદ મામલે બંને રાજ્યોના મુખ્યમંત્રીઓ સામસામે આવી ગયા છે. દરમિયાન મુંબઈના માહિમ બસ સ્ટોપ પર કર્ણાટકના મુખ્યમંત્રી બસવરાજ બોમાઈના પોસ્ટરને કાળી શાહી કરવામાં આવી હતી. સાથે જ આના કારણે વિવાદ વધવાની પણ શક્યતા છે.

સરહદ વિવાદને લઈને બંને રાજ્યોના મુખ્યમંત્રીઓના નિવેદનો સામે આવ્યા છે. જેના કારણે વિવાદ વધુ ઘેરો બન્યો છે. સીએમ એકનાથ શિંદેએ ગુરુવારે કહ્યું કે તેમની સરકાર મહારાષ્ટ્રમાં એક ઇંચ પણ જમીન કોઈને જવા દેશે નહીં. સાથે જ ફડણવીસે કહ્યું હતું કે મહારાષ્ટ્રનું કોઈ ગામ કર્ણાટકમાં નહીં જાય. તે જ સમયે, મહારાષ્ટ્રના પૂર્વ મુખ્યમંત્રી ઉદ્ધવ ઠાકરેએ પણ બંને રાજ્યો વચ્ચેના સરહદ વિવાદ પર કર્ણાટકના સીએમ બસવરાજ બોમાઈની ટીકા કરી છે.

દરમિયાન કર્ણાટકના મુખ્યમંત્રી બસવરાજ બોમાઈએ નારાજગી વ્યક્ત કરી અને કહ્યું કે ભારત રાજ્યોનો સંઘ છે. દરેક રાજ્યની પોતાની સત્તા હોય છે. કાયદો ખૂબ જ સ્પષ્ટ છે અને તે સંબંધિત સરકારોની ફરજ છે કે તે શાંતિ, કાયદો અને વ્યવસ્થા જાળવી રાખે અને રાજ્યોમાં શાંતિ અને સુલેહ-શાંતિ પ્રવર્તે તે જોવાની.