ગાંધીનગર : CM ભુપેન્દ્ર પટેલના હસ્તે પંચમહાલ-હાલોલ DYSP વિક્રમસિંહ રાઠોડને "ચંદ્રક" મેડલ એનાયત કરાયો

ગાંધીનગર ખાતે આવેલ કરાઈ પોલીસ એકેડેમી ખાતેથી રાજ્યના મુખ્યમંત્રી ભુપેન્દ્ર પટેલના હસ્તે પંચમહાલ જિલ્લાના હાલોલના DYSP વિક્રમસિંહ રાઠોડને "ચંદ્રક" મેડલથી સન્માનિત કરવામાં આવતા હાલોલ પોલીસ વિભાગ ગૌરવની લાગણી અનુભવી રહ્યું છે.

ગુજરાત રાજ્યના ગૃહ વિભાગ દ્વારા વર્ષ 2022, 2023 અને 2024 દરમિયાન પોલીસ વિભાગમાં શ્રેષ્ઠ કામગીરી કરનાર અધિકારીઓને "ચંદ્રક અલંકારણ" મેડલથી સન્માનિત કરવાની જાહેરાત કરવામાં આવી હતી.

આ સંદર્ભે ગાંધીનગર ખાતે આવેલ કરાઈ પોલીસ એકેડેમીમાં એક વિશિષ્ટ સન્માન સમારોહ યોજાયો હતો. જેમાં રાજ્યના મુખ્યમંત્રી ભુપેન્દ્ર પટેલ, ગૃહ રાજ્યમંત્રી હર્ષ સંઘવી તથા ઉચ્ચ પોલીસ અધિકારીઓની ઉપસ્થિતિમાં કુલ 118 પોલીસ અધિકારીઓને એવોર્ડ એનાયત કરવામાં આવ્યા હતા.

આ કાર્યક્રમમાં હાલોલના ડીવાયએસપી વિક્રમસિંહ રાઠોડને વર્ષ 2022 માટે શ્રેષ્ઠ કામગીરી બદલ “ચંદ્રક” મેડલથી સન્માનિત કરવામાં આવ્યા હતા. વિક્રમસિંહ રાઠોડને મુખ્યમંત્રી ભુપેન્દ્ર પટેલના હસ્તે આ એવોર્ડ આપવામાં આવ્યો હતો, જે હાલોલ પોલીસ વિભાગ માટે ગૌરવની વાત છે.