દાહોદ : ઘરકંકાસ અને સાસરીના ત્રાસથી કંટાળી પિતાએ 2 સંતાનનું ગળું દબાવી કરી હત્યા…

દાહોદ જિલ્લાના ડુંગરી ગામે ઘરકંકાસ અને સાસરીના ત્રાસથી કંટાળી પિતાએ ગંભીર પગલું ભર્યું હોવાનો કિસ્સો સામે આવ્યો છે. જેમાં પોતાના 2 સંતાનનું ગળું દબાવી હત્યા કર્યા બાદ પોતે પણ આત્મહત્યા કરવાનો પ્રયાસ કરતાં ચકચાર મચી જવા પામી હતી.

દાહોદ જિલ્લાના ડુંગરી ગામમાં એક ચોંકાવનારી ઘટના બની છે. જેમાં પિતાએ જ પુત્ર અને પુત્રીની હત્યા કરી છે. ઘરકંકાસ અને સાસરીના ત્રાસથી કંટાળી પિતાએ તેના બન્ને સંતાનની ગળું દબાવી હત્યા કર્યા બાદ પોતે પણ આત્મહત્યા કરવાનો પ્રયાસ કર્યો હતો. વહેલી સવારે બન્ને સંતાનનું ગળુ દબાવી હત્યા કર્યા બાદ પોતે ઝાડ ઉપર લટકી આત્મહત્યાનો પ્રયાસ કર્યો હતો. મૃતકમાં 12 વર્ષીય બાળકી અને 7 વર્ષીય બાળકની હત્યા કરી છે. ઘટના સ્થળેથી બન્ને બાળકોના મૃતદેહને પોસ્ત્ર્મોર્ટમ અર્થે હોસ્પિટલ ખસેડવામાં આવ્યા હતા, ત્યારે હાલ તો લીમડી પોલીસે સ્યુસાઈડ નોટના આધારે આરોપી પિતાની અટકાયત કરી વધુ તપાસ હાથ ધરી છે.