બોટાદ: સાળંગપુર ખાતે કષ્ટભંજન દેવને ગુરુપૂર્ણિમાએ સુવર્ણ વાઘાનો શણગાર

બોટાદ તાલુકાના સાળંગપુર ગામ સ્થિત કષ્ટભંજન હનુમાનજી મંદિર ખાતે ગુરુ પૂર્ણિમા નિમિત્તે વહેલી સવારથી ભક્તિ નો સાગર છલકાયો હતો. આજના પ્રસંગ નિમિત્તે હનુમાનજી દાદાને વિશેષ સુવર્ણ વાઘાનો શણગાર કરવામાં આવ્યો છે,જ્યારે મોટી સંખ્યામાં ભક્તોએ દાદાના દર્શન કરી ગુરુ પૂર્ણિમાની ઉજવણી કરી હતી.

 કષ્ટભંજન દેવને ગુરુપૂર્ણિમાએ સુવર્ણ વાઘાનો શણગાર

બોટાદ તાલુકાના સાળંગપુર કષ્ટભંજન હનુમાનજી મંદિરે ગુરુ પૂર્ણિમા નિમિત્તે દાદાને સુંદર  શણગાર કરવામાં આવ્યો હતો,આ અવસરે હનુમાનજીને સુવર્ણ વાઘા નો વિશેષ શણગાર કરવામાં આવ્યો હતો.ગુરુપૂર્ણિમાના પાવન અવસર નિમિત્તે સાળંગપુરમાં ભક્તોની વહેલી સવારથી જ ભારે ભીડ જોવા મળી હતી,જ્યારે કેટલાક દાદા ના ભક્તો એ રાત્રી રોકાણ કરીને દાદાની પહેલી આરતીનો લ્હાવો પણ લીધો હતો.વધુમાં ગુરુપૂર્ણિમાના અવસરે ભક્તોએ કષ્ટભંજન દેવના દર્શન કરીને ધન્યતાનો અનુભવ કર્યો હતો.અને દાદાના ભક્તિરસ માં ભક્તો તરબોળ બન્યા હતા.