ઇઝરાયલના ભારત સ્થિત રાજદૂત નાઓર ગીલોને ગાંધીનગરમાં રાજ્યના સીએમ ભુપેન્દ્ર પટેલની મુલાકાત કરી હતી
ઇઝરાયલના ભારત સ્થિત રાજદૂત નાઓર ગીલોને ગાંધીનગરમાં રાજ્યના સીએમ ભુપેન્દ્ર પટેલની મુલાકાત કરી હતી હાઈ લેવલ પ્રતિનિધિમંડળ સાથે તેમણે બેઠક પણ કરી હતી મુખ્યમંત્રી સાથે તેમણે ખાસ કરીને ગુજરાત માં ઇઝરાયેલના સહયોગ અને પ્રધાનમંત્રી નરેન્દ્ર મોદીની પ્રેરણાથી શરુ થયેલી આઇ ક્રિયેટ દ્વારા યુવા શક્તિના ઇનોવેશન અને નવિન શોધ સંશોધન ને મળી રહેલા પ્રોત્સાહન અંગે વિસ્તૃત પરામર્શ કર્યો હતો.મુખ્યમંત્રી એ પણ તાજેતરમાં આ આઈ ક્રિયેટની તેમણે લીધેલી મુલાકાત ત્યાં હાથ ધરાયેલી પ્રવૃત્તિઓ થી માહિતગાર કર્યા હતા.
ઇઝરાયેલ રાજદૂતે ગુજરાત સાથે કૃષિ ક્ષેત્રમાં સેન્ટર ઓફ એકસ્લન્સ સહિત ની જે ઇઝરાયેલ ભાગીદારી છે તેને વધુ વ્યાપક બનાવવા પણ તત્પરતા વ્યક્ત કરી હતી. મુખ્યમંત્રીએ તેમને વિશ્વની સૌથી ઊંચી સરદાર પ્રતિમા સ્ટેચ્યુ ઓફ યુનિટીની મુલાકાત લેવા પણ આમંત્રણ આપ્યું હતું.