/connect-gujarat/media/post_banners/07e026839cf2694b0a1feddb97a501c275297c8c6829f7b3706593f6743f2a43.jpg)
દેશના મહામહિમ રાષ્ટ્રપતિ રામનાથ કોવિંદ પરિવાર સાથે આજરોજ સોમનાથ મહાદેવના સાનિધ્યમાં પહોચ્યા હતા, જ્યાં તેઓએ આદિ જ્યોતિર્લિંગ સોમનાથ મહાદેવના દર્શન કરી ધન્યતા અનુભવી હતી.
મહામહિમ રાષ્ટ્રપતિ રામનાથ કોવિંદ 2 દિવસ ગુજરાતના પ્રવાસે છે, ત્યારે આજે સોમવારના પવિત્ર દિવસે રામનાથ કોવિંદ પ્રથમ જ્યોતિર્લિંગ સોમનાથ મહાદેવના સાનિધ્યમાં પરીવાર સાથે પહોચ્યા હતા, જ્યાં તેઓએ આદિ જ્યોતિર્લિંગ સોમનાથ મહાદેવના દર્શન, પૂજન-અર્ચન તેમજ ગંગાજળ અભિષેક સહિત મહાપૂજા કરી ધન્યતા અનુભવી હતી. રાષ્ટ્રપતિ રામનાથ કોવિંદે સોમનાથ મંદિર પરિસરમાં પરિભ્રમણ કર્યું હતું. સાથે જ મંદિર સહિત આસપાસના વિસ્તારમાં થઇ રહેલા કામોની જાત માહિતી પણ મેળવી હતી. આ પ્રસંગે શ્રી સોમનાથ ટ્રસ્ટના ટ્રસ્ટી પ્રવિણ લહેરીએ રાષ્ટ્રપતિ રામનાથ કોવિંદ અને તેમના પરીવારને સ્મૃતિ ભેટ અર્પણ કરી સન્માન કર્યું હતું.