જુનાગઢ : કેશોદ સહિત ગ્રામ્ય વિસ્તારમાં માવઠું આવતા ખેતી-પાકોનું નુકશાન, ખેડૂતોને આવ્યો માથે ઓઢીને રોવાનો વારો...

કેશોદ સહિત ગ્રામ્ય વિસ્તારમાં કમોસમી વરસાદના કારણે ખેડૂતો પાયમાલ થયા છે. તલ, મગ, અડદ સહિતના પાક નિષ્ફળ જતા ખેડૂતોને માથે ઓઢીને રોવાનો વારો આવ્યો

author-image
By Connect Gujarat Desk in ગુજરાત સમાચાર
New Update

  • કેશોદ સહિત ગ્રામ્ય વિસ્તારમાં છેલ્લા 3 દિવસથી વરસતું માવઠું

  • શિયાળુ પાક સહિત ઉનાળુ પાકમાં વ્યાપક થઈ નુકસાનીની અસર

  • કમોસમી વરસાદના કારણે કેશોદ પંથકના ખેડૂતો થયા પાયમાલ

  • તલ, મગ, અડદ સહિતનો પાક નિષ્ફળ જતા ખેડૂતોને માથે સંકટ

  • સરકાર દ્વારા રાહત પેકેજની જાહેરાત કરાય તેવી ખેડૂતોની માંગ 

જુનાગઢ જિલ્લામાં છેલ્લા 3 દિવસથી કમોસમી વરસાદના કારણે ખેડૂતો પાયમાલ થયા છે. તલ, મગ, અડદ સહિતના પાક નિષ્ફળ જતા ખેડૂતોને માથે ઓઢીને રોવાનો વારો આવ્યો છે.

જુનાગઢ જિલ્લાના કેશોદ સહિતના ગ્રામ્ય વિસ્તારમાં છેલ્લા 3 દિવસમાં કમોસમી વરસાદ પડ્યો હતો. જેના કારણે ખેડૂતોના ઉભા પાકને નુકસાન થયું છે. શિયાળુ પાક તલ, મગ, અડદ સહિત ઉનાળુ પાકમાં વ્યાપક નુકસાનીનો સામનો ખેડૂતોને કરવો પડ્યો છે. ખેડૂતો ખેતી કરી રહ્યા હતા, અને અચાનક જ વરસાદ તૂટી પડ્યો હતો.

લાખો રૂપિયા ખર્ચ કરી ખેડૂતો જુદા જુદા પાકનું વાવેતર કરતા હોય છે. જોકે, જુદા જુદા ખેતી પાકમાંથી સારી આવક મળે તેવી ખેડૂતોને આશા રહે છે. પરંતુ જ્યારે પાક તૈયાર થઈ જાય ત્યારે જ કમોસમી વરસાદ વરસે એટલે ખેડૂતોના હાથમાં આવેલો કોળિયો છીનવાય જાય છે. હાલ આવો જ ઘાટ જુનાગઢના ખેડૂતોનો ઘડાતા તેઓને રાતાપાણીએ રોવાનો વારો આવ્યો છે, ત્યારે સરકાર હવે ખેડૂતોના વ્હારે આવી નિષ્ફળ પાકનું સર્વે કરી ખેડૂતો માટે રાહત પેકેજની જાહેરાત કરે તેવી માંગ ઉઠી છે.

#Gujarat Unseasonal Rain #Unseasonal rain #Junagadh Farmer #Keshod #કમોસમી વરસાદની આગાહી #કમોસમી વરસાદ #કમોસમી માવઠુ #માવઠું
Related Articles
Read the Next Article

ભરૂચ: ક્રાઇમ બ્રાન્ચે નબીપુર નજીકથી કેમિકલ ચોરીનું મોટું કૌભાંડ ઝડપી પાડ્યું, રૂ.39 લાખના મુદ્દામાલ સાથે 3 આરોપીની ધરપકડ

ભરૂચ ક્રાઇમ બ્રાન્ચના પી.એસ.આઈ. ડી.એ.તુવરની ટીમ નેહા.૪૮ પર નાઈટ પેટ્રોલીંગમાં હતી દરમ્યાન બાતમી મળી હતી કે નેશનલ હાઇવે ૪૮ ઉપર ભરૂચથી વડોદરા જતા ટ્રેક

author-image
By Connect Gujarat Desk in ભરૂચ ગુજરાત
New Update
css bh
ભરૂચ ક્રાઇમ બ્રાન્ચના પી.એસ.આઈ. ડી.એ.તુવરની ટીમ નેહા.૪૮ પર નાઈટ પેટ્રોલીંગમાં હતી દરમ્યાન બાતમી મળી હતી કે નેશનલ હાઇવે ૪૮ ઉપર ભરૂચથી વડોદરા જતા ટ્રેક ઉપર રીલીફ હોટલ નજીક ટેન્કર નંબર GJ 12 AZ 1612 માંથી ત્રણ ઇસમો ગેરકાયદેસર રીતે પ્લાસ્ટિકના કારબામાં કંઇક પ્રવાહી કાઢી પીકઅપ ડાલામાં મુકે છે જે આધારે પોલીસે દરોડા પાડતા 3 આરોપીઓ કેમિકલની ચોરી કરતા રંગેહાથ ઝડપાય ગયા હતા. આરોપીઓ હજીરા અદાણી પોર્ટમાંથી સ્ટાયરીન (SM) કેમીકલ ભરી વડોદરા નંદેસરી જી.આઈ.ડી.સી.માં ખાલી કરવાં જતું હતું અને ડ્રાઈવર દ્વારા નંદેસરી પહોંચે તે પહેલા કેમીકલ માફીયાઓનો સંપર્ક કરી ટેન્કરનું સીલ તોડી, કેમિકલ ચોરી પ્લાસ્ટીકના કારબાઓ ભરી એક કારબો ૧૫૦૦/- માં વહેંચતા હોવાનું બહાર આવ્યું હતું. પોલીસે  તુલસારામ જસારામ જાટ ઉ.વ.૪૫ રહેવાસી, ધને કી ધાની ગામ તા & થાના સીન્ધરી જિ.બલોતરા (રાજસ્થાન) (ટેન્કર ડ્રાઈવર), સત્તાર ઉર્ફે સમીર મલંગશા દિવાન ઉ.વ.૩૪ હાલ રહે.પાલેજ સાલેહ પાર્ક પ્લોટ નં.૧૨૨/૧૨૩ મહેરબાન ગુલામભાઇના મકાનમાં ભાડેથી તા.જિ.ભરૂચ મૂળ રહેવાસી.ઘર નં.૦૭ રાજાવાડી સૈયદપુરા સુરત શહેર, વસીમ સીરાજ દીવાન ઉ.વ.૧૯ રહેવાસી. માલપુર ગામ પટેલ ફળીયુ તા.શીનોર જિ.વડોદરાની ધરપકડ કરી રૂ.39 લાખનો મુદ્દામાલ કબ્જે કર્યો હતો.