જામનગર : સીએમ ભુપેન્દ્ર પટેલે પશુધન માટેની સુવિધાઓ અને રસીકરણ કેન્દ્રના શેડ્સનું કર્યું નિરીક્ષણ

મુખ્યમંત્રી ભૂપેન્દ્ર પટેલે જામનગરના લમ્પી રોગગ્રસ્ત પશુઓના આઇસોલેશન સેન્ટરની મુલાકાત લીધી હતી. મુખ્યમંત્રીએ જામનગર મહાનગરપાલિકા દ્વારા ગોલ્ડન સીટી પાછળ સોનલ નગર ખાતે જામનગરના લમ્પીથી અસરગ્રસ્ત પશુઓની સારવાર માટે બનાવવામાં આવેલા આઇસોલેશન સેન્ટરનું નિરીક્ષણ કરી સારવાર અને રસીકરણ સહિતની માહિતી સંબંધિત અધિકારીઓ પાસેથી મેળવી હતી.ઉલ્લેખનીય છે કે, લમ્પીગ્રસ્ત પશુધનની સારવાર અને રસીકરણ માટે ઉભા કરાયેલા અલગ અલગ ૪ શેડ્સનું પણ મુખ્યમંત્રીએ નિરીક્ષણ કર્યું હતું.