જુનાગઢ : છકડો રિક્ષા ચાલક ઝાડ સાથે ભટકાતાં ભયંકર અકસ્માત, દ્રશ્યો જોઈ ભલભલાના રુવાંટાં ઊભા થયા...

જુનાગઢ જિલ્લાના માણાવદર તાલુકાના દગડ ગામ નજીક સ્ટિયરિંગ પરથી કાબૂ ગુમાવતાં છકડો રિક્ષા ઝાડ સાથે અથડાય હતી. જેમાં ચાલક યુવાનને ગંભીર ઈજા પહોચતા તેનું કમકમાટીભર્યું મોત નીપજ્યું હતું.

રાજ્યભરમાં અકસ્માતોની સંખ્યામાં સતત વધારો થઈ રહ્યો છે, ત્યારે જુનાગઢ જિલ્લાના માણાવદર તાલુકાના દગડ ગામનો 28 વર્ષીય ભાવેશ બોરિચા નામનો યુવાન મજૂર ભરેલો છકડો રિક્ષા લઇ પોતાના ગામ તરફ જઈ રહ્યો હતો, ત્યારે દગડથી વંથલી તરફ એક કિલોમીટર દૂર ભાવેશે છકડો રિક્ષા પરથી કાબૂ ગુમાવતાં બાવળના ઝાડ સાથે અથડાયો હતો. છકડો રિક્ષા ઝાડ સાથે અથડાતાં ચાલક યુવાનને ગંભીર ઈજા પહોચતા તેનું મોત નીપજ્યું હતું, જ્યારે રિક્ષામાં બેસેલા શ્રમિકોને પણ ગંભીર ઈજાઓ થઈ હતી. જેઓને સારવાર અર્થે માણાવદર હોસ્પિટલમાં ખસેડવામાં આવ્યા હતા. આ અકસ્માત એટલો ભયંકર હતો કે, ઝાડ સાથે છકડો રિક્ષા ચીપકી ગઈ હતી. એમાં ઝાડ અને છકડો રિક્ષા વચ્ચે ચાલક પણ આવી ગયો હતો, જેને અલગ કરવા માટે JCB બોલાવવું પડ્યું હતું, જેના દ્રશ્યો રુવાંટાં ઊભાં કરી દે તેવા હતા.