જુનાગઢ : PM મોદી વિરુદ્ધ સોશિયલ મીડિયા પર અભદ્ર ટિપ્પણી કરનાર ઇસમની ધરપકડ…

જુનાગઢમાં સોશિયલ મીડિયા પર વ્હોટ્સએપ ગ્રુપમાં વડાપ્રધાન નરેન્દ્ર મોદી વિરુદ્ધ અભદ્ર ટિપ્પણી કરનાર ઇસમની પોલીસે ધરપકડ કરી કાયદેસરની કાર્યવાહી હાથ ધરી છે.

મળતી માહિતી અનુસાર, જુનાગઢમાં રહેતા હૈદર કુરેશી નામના ઇસમે સોશિયલ મીડિયા પર “આઈ લવ માય જુનાગઢ” વ્હોટ્સએપ ગ્રુપમાં દેશના વડાપ્રધાન નરેન્દ્ર મોદી વિરુદ્ધ અભદ્ર ટિપ્પણી કરી હતી. જોકે, વ્હોટ્સએપ ગ્રુપમાં PM મોદી વિરુદ્ધ આપત્તીજનક પોસ્ટ મુક્યા બાદ હૈદર કુરેશીએ પોસ્ટ ડીલીટ કરી પુરાવાનો નાશ કર્યો હતો, ત્યારે આ મામલે જુનાગઢ પોલીસે ગુન્હો દાખલ કરી વધુ તપાસ હાથ ધરી હતી. તેવામાં આપત્તીજનક પોસ્ટ મુકનાર ઈસમ હૈદર કુરેશીની પોલીસે ધરપકડ કરી લીધી છે. એટલું જ નહીં, પોલીસે આરોપી વિરુદ્ધ IPC 153(b), 505 (2) સહિત 504ની કલમો હેઠળ ગુન્હો નોંધી કાયદેસરની કાર્યવાહી હાથ ધરી છે.