ખેડા : મહેમદાવાદ કોંગ્રેસના પૂર્વ ધારાસભ્ય દારૂની મહેફિલ માણતા ઝડપાયા, પોલીસે 7 લોકોની અટકાયત કરી

ખેડા જીલ્લાના કટકપુર ભાટિયા લાટમાં દારૂની મહેફિલ પર પોલીસે દરોડા પાડ્યા હતા. જેમાં મહેમદાવાદના કૉંગ્રેસના પૂર્વ ધારાસભ્ય સહિત 7 લોકોને પણ ઝડપી પાડવામાં આવ્યા હતા.

મળતી માહિતી અનુસાર, ખેડાના કટકપુર ભાટિયા લાટમાં દારૂની મહેફિલ ચાલતી હતી જ્યાં પોલીસે દરોડા પાડ્યા હતા. પોલીસે દારૂની મહેફિલ માણતા 7 લોકોને ઝડપી પાડ્યા હતા. જેમાં મહેમદાવાદ કૉંગ્રેસના પૂર્વ ધારાસભ્ય ગૌતમ ચૌહાણ સહિતના 7 લોકો દારૂની મહેફિલ માણતા ઝડપાયા હતા, ત્યારે આ તમામ લોકોને દારૂની બોટલ સહિતના મુદ્દામાલ સાથે ખેડા ટાઉન પોલીસ મથકે લાવવામાં આવ્યા હતા, ત્યારે હાલ તો પોલીસ દ્વારા તમામ વિરુદ્ધ કાયદેસરની કાર્યવાહી હાથ ધરાય હોવાનું જાણવા મળ્યું છે.