કચ્છ :  BSF દ્વારા કુડા કેમ્પથી રાપર સુધી તિરંગા યાત્રા અંતર્ગત બાઇક રેલી યોજાઈ,દેશભક્તિના નાદથી વાતાવરણ ગુંજી ઉઠ્યું

• રાપરમાં BSF દ્વારા યોજાઇ તિરંગા યાત્રા

• BSFની 84 બટાલીયન દ્વારા આયોજન

• 50 કિ.મી સુધી કરાયું બાઈક રેલીનું આયોજન

• સમગ્ર વાતાવરણ દેશભક્તિના નાદથી ગુંજ્યુ

• તિરંગા યાત્રામાં મોટી સંખ્યામાં જોડાયા લોકો

કચ્છ જિલ્લાના રાપર તાલુકાના લોદ્રાણી કુડા સ્થિત બોર્ડર સિક્યુરિટી ફોર્સની 84 બટાલીયન દ્વારા તિરંગા યાત્રા અંતર્ગત બાઈક રેલી યોજાઈ હતી,અને સમગ્ર વાતાવરણમાં દેશભક્તિનો નાદ ગુંજી ઉઠ્યો હતો.

કચ્છ જિલ્લાના રાપર તાલુકાના લોદ્રાણી કુડા સ્થિત બોર્ડર સિક્યુરિટી ફોર્સની 84 બટાલીયન દ્વારા તિરંગા યાત્રા અંતર્ગત બાઈક રેલી યોજાઈ હતી. કંપની કમાન્ડન્ટ અનિલ કુમાર યાદવના નેતૃત્વમાં યોજાયેલી તિરંગા યાત્રા અંતર્ગત બાઈક દ્વારા 50 કિમીનું અંતર કાપીને રાપર સ્વામિનારાયણ મંદિર ખાતે રેલીનું સમાપન થયું હતું.બાઈક રેલીમાં બાલાસર પોલીસ સ્ટેશન ના પીએસઆઇ વી.એસ ઝા તથા પોલીસ સ્ટેશનનો સ્ટાફ પણ જોડાયો હતો.

સમગ્ર વિસ્તાર દેશભક્તિ અને ભારત માતા કી જયના નાદથી ગુંજી ઉઠ્યો હતો. લોકોમાં દેશભક્તિ અને દેશ પ્રત્યેના ગૌરવની ભાવના વિકસાવવાના ઉદ્દેશ્યથી બાઇક રેલીનું આયોજન કરવામાં આવ્યું હતું.