નવસારી: સાંસદ દિશાદર્શન કાર્યક્રમનું આયોજન, સરકારની વિવિધ યોજનાઓના લાભાર્થીઓને હુકમ પત્ર સુપ્રત કરાયા

નવસારી જિલ્લા ખાતે સાંસદ દિશાદર્શન કાર્યક્રમનું આયોજન કરાયું હતું.ભાજપ પ્રદેશ અધ્યક્ષ અને નવસારી સાંસદ સી આર પાટીલના અધ્યક્ષ સ્થાને આયોજિત આ કાર્યક્રમમાં સરકારની વિવિધ યોજનાઓના લાભાર્થીઓને હુકમ પત્ર સુપ્રત કરાયા હતા

નવસારી ખાતે આયોજિત સાંસદ દિશા દર્શન કાર્યક્રમ અંતર્ગત મહેસૂલ વિભાગ તેમજ સમાજ સુરક્ષાની વિવિધ યોજના ઓનાં લાભાર્થીઓને હુકમોનું વિતરણ કરવામાં આવ્યું હતું.આ કાર્યક્રમમાં ભાજપ પ્રદેશ અધ્યક્ષ સી આર પાટીલ વિશેષ ઉપસ્થિત રહ્યા હતા.નવસારી જિલ્લા કક્ષાના આ કાર્યક્રમમાં પૂર્વ કેબિનેટ મંત્રી અને ગણદેવીના ધારાસભ્ય નરેશ પટેલ તેમજ નવસારીના ધારાસભ્ય રાકેશ દેસાઈ પણ ઉપસ્થિત રહ્યા હતા.કાર્યક્રમ અંતર્ગત જિલ્લાના 6 હજાર જેટલા સરકારી યોજનાના લાભાર્થીઓને પ્રત્યક્ષ યોજનાના લાભ અંગેના હુકમ પત્ર એનાયત કરવામાં આવ્યા હતા.કાર્યક્રમ માં વિશેષ ઉપસ્થિત રહેલા પાટિલે લાભાર્થીઓ ને શુભકામના પાઠવવા સાથે નવસારી જિલ્લા ને કુપોષણ તેમજ ટીબી મુક્ત કરવાનો નિર્ધાર વ્યક્ત કર્યો હતો