• ગુજરાતના 65મા સ્થાપના દિવસની રાજ્યકક્ષાની ઉજવણી

• ગુજરાત રાજ્યના રાજ્યપાલ આચાર્ય દેવવ્રત રહ્યા ઉપસ્થિત

• ગોધરામાંCMના હસ્તે પંચમહાલને મળી વિકાસકાર્યોની ભેટ

• ₹650 કરોડના 85 જેટલા વિકાસકાર્યો હાથ ધરવામાં આવશે

• રાજ્યપાલ-મુખ્યમંત્રીના આગમનને લઈ પોલીસ બંદોબસ્ત

પંચમહાલ જિલ્લાના ગોધરા ખાતે ગુજરાતના 65મા સ્થાપના દિવસની રાજ્યકક્ષાની ઉજવણી કરવામાં આવી હતી. જેમાં રાજ્યપાલ આચાર્ય દેવવ્રત અને મુખ્યમંત્રી ભુપેન્દ્ર પટેલની ઉપસ્થિતીમાં પંચમહાલ જિલ્લાને₹650 કરોડના 85 વિકાસકાર્યોની ભેટ ધરવામાં આવી હતી.

ગુજરાતના 65મા સ્થાપના દિવસની રાજ્યકક્ષાની ઉજવણી પંચમહાલ જિલ્લાના ગોધરા ખાતે રાજ્યપાલ આચાર્ય દેવવ્રત અને મુખ્યમંત્રી ભુપેન્દ્ર પટેલની અધ્યક્ષતામાં કરવામાં આવી હતી. મુખ્યમંત્રી ભુપેન્દ્ર પટેલના હસ્તે પંચમહાલ જિલ્લાને રૂ. 650 કરોડના 85 જેટલા વિકાસકાર્યોની ભેટ અર્પણ કરવામાં આવી હતી. સૌપ્રથમ નવનિર્મિતIG ઓફિસનું રીબીન કાપીને ઉદ્ઘાટન કરવામાં આવ્યું હતું.

ત્યારબાદ પંચામૃત ડેરી ખાતે યુ.એચ.ટી દૂધ બનાવટના પ્રોસેસિંગ પ્લાન્ટનું ખાતમુહૂર્ત તેમજ ગૌશોર્ટ સેક્ટ શોર્ટેડ સીમેન ટેકનોલોજીના મશીનનું વર્ચ્યુયલ ઉદ્દઘાટન કરવામાં આવ્યું હતું. આ ઉપરાંત હાલોલમાં લીથયમ-આર્યન બેટરી રિસાયકલ પ્લાન્ટનું પણ ઉદ્દઘાટન કરવામાં આવ્યું હતું. મુખ્યમંત્રી ભુપેન્દ્ર પટેલએ જણાવ્યુ હતું કે, 2047 માટે આપણે ગુજરાતને વિકસિત ગુજરાત બનાવવાનું છે. આરોગ્યની સુખાકારી ઉપરાંત અનેક સુવિધાઓ મળી રહે તે માટે વડાપ્રધાન સતત કાર્યરત છે.

આ વર્ષના બજેટમાં ગરવી ગુજરાત હાઈ સ્પીડ રોડ બનાવવા માટે કરોડો રૂપિયા મંજૂર કરવામાં આવ્યા છે. આ પ્રસંગે રાજ્યના શિક્ષણમંત્રી કુબેર ડિંડોર, સહકાર મંત્રી જગદીશ વિશ્વકર્મા, વિધાનસભા ઉપાધ્યક્ષ જેઠા ભરવાડ સહિત ધારાસભ્યો, ગુજરાતના ડીજીપી વિકાસ સહાય, આઈજી આર.વી.અસારી, પોલીસ અધિક્ષક હિમાંશુ સોલંકી સહિતના અધિકારીઓ ઉપસ્થિત રહ્યા હતા.