• રાજ્યમાં ત્રણ દિવસ વરસાદની આગાહી

• ભર ઉનાળે સર્જાયો વરસાદી માહોલ

• વરસાદી માહોલે ખેડૂતોની ચિંતા વધારી

• ઉત્તર અને દક્ષિણ ગુજરાતમાં વરસાદની આગાહી

• 50 કિ.મી.પ્રતિ કલાકની ઝડપે પવન ફૂંકાવાની પણ શક્યતા 

ગુજરાતમાં ભર ઉનાળામાં વરસાદી માહોલ સર્જાયો છે.અને રાજ્યના કેટલાક જિલ્લાઓમાં હળવાથી મધ્યમ વરસાદ પડવાની આગાહી મોસમ વિભાગ દ્વારા કરવામાં આવી છે.

ગુજરાતના હવામાનમાં પલટો આવ્યા પછી રાજ્યના કેટલાક જિલ્લામાં હળવાથી મધ્યમ વરસાદ પડવાની આગાહી છે.હવામાન ખાતાના જણાવ્યા પ્રમાણે ગુજરાતના દરિયા કિનારે અપર એર સાયક્લોનિક સર્ક્યુલેશન રચાયું છે.જે સમુદ્રની સપાટીથી 0.9 કિ.મી.ની ઊંચાઈએ છે. આગામી પાંચ દિવસમાં મોટા ભાગના વિસ્તારોમાં મહત્તમ તાપમાનમાં ત્રણથી પાંચ ડિગ્રી સુધી ઘટાડો થવાની શક્યતા છે.

5 મે સોમવારથી 6 મે મંગળવાર સુધીના હવામાનના વર્તારા પ્રમાણે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહીસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, દાદરા અને નગર હવેલીમાં હળવાથી મધ્યમ વરસાદ થવાની શક્યતા છે.તો સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદમાં પણ વરસાદ પડવાની શક્યતા વ્યક્ત કરવામાં આવી છે.

જ્યારે 6 મેથી 7 મેની હવામાનની આગાહી પ્રમાણે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહીસાગર, વડોદરા, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, દાદરા નગર હવેલીમાં હળવાથી મધ્યમ વરસાદ થવાની શક્યતા છે.

સૌરાષ્ટ્ર કચ્છના સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદમાં પણ વરસાદ પડવાની શક્યતા છે.ગુજરાતના જે વિસ્તારોમાં હળવાથી મધ્યમ વરસાદની આગાહી છે.ત્યાં પવનની ઝડપ 50થી 60 કિ.મી.પ્રતિ કલાક રહેવાની શક્યતા છે.

ખાસ કરીને બનાસકાંઠા, પાટણ, મહેસાણા, સાબરકાંઠા, અરવલ્લી, દાહોદ અને મહીસાગર, પંચમહાલ, અને છોટાઉદેપુર તથા સૌરાષ્ટ્ર અને કચ્છના જિલ્લામાં 60 કિ.મી.પ્રતિ કલાક સુધી પવનની ઝડપ રહી શકે છે.