સાબરકાંઠા: હિંમતનગરમાં RTO વિભાગની સ્પેશ્યલ ડ્રાઇવ, ટ્રાફિક નિયમોના ઉલ્લંઘન બદલ 300 લોકો દંડાયા

રાજ્ય સરકાર દ્વારા સરકારી કચેરીમાં પ્રવેશ માટે હેલ્મેટ ફરજીયાત કર્યા બાદ હિંમતનગરમાં આરટીઓ દ્રારા ડ્રાઈવ શરુ કરવામાં આવી છે

રાજ્ય સરકારના આદેશને પગલે સરકારી કચેરીઓમાં કર્મચારીઓ માટે આરટીઓ અને ટ્રાફિક પોલીસ દ્રારા ડ્રાઈવ યોજવામાં આવી હતી. હિંમતનગર આરટીઓ દ્વારા અંદાજે ત્રણસોથી વધુ લોકો દંડાયા હતા. હિંમતનગરમાં બહુમાળી ભવનમાં આરટીઓ અધિકારીઓની ટીમ એકાએક ઉતરી હતી જેમાં બહુમાળીમાં પ્રવેશ કરતા કર્મચારીઓ અને અધિકારીઓને મેમો આપવાના શરૂ કરાયું હતુ. તેમાં ખાસ કરીને હેલ્મેટ વગર, કાળા કાચ, સીટ બેલ્ટ, નંબર પ્લેટ વગરના વાહનો, તૂટેલી નંબર પ્લેટ સામે કાર્યવાહી હાથ ધરવામાં આવી હતી. નિયમોનું પાલન ન કરનાર તમામ સામે કડકાઈ રાખીને મેમા આપવામાં આવ્યા હતા.