સુરેન્દ્રનગર : ગણપતિ  ફાટસર વિસ્તારમાં જાહેરમાં યુવતીની હત્યાથી ચકચાર,પ્રેમ પ્રકરણમાં યુવતીને મોતને ઘાટ ઉતારી હોવાની ચર્ચા

યુવતીની સરા જાહેરમાં યુવકે છરીનાં ઘા ઝીંકીને કરપીણ હત્યા કરી નાખતા ચકચાર મચી ગઈ હતી.પ્રેમ પ્રકરણમાં હત્યા કરવામાં આવી હોવાની ચર્ચા ઉઠવા પામી

author-image
By Connect Gujarat Desk in ગુજરાત સમાચાર
New Update

  • સુરેન્દ્રનગરમાં સરાજાહેર યુવતીની હત્યાથી ચકચાર

  • ઘરેથી કારખાને જતી વેળાએ યુવતીની હત્યા

  • યુવકે છરીના ઘા મારીને યુવતીને મોતને ઘાટ ઉતારી

  • પ્રેમ પ્રકરણમાં યુવતીની હત્યા થઈ હોવાની ચર્ચા

  • પોલીસે હત્યારા યુવકની કરી ધરપકડ

સુરેન્દ્રનગર શહેરના ગણપતિ ફાટસર વિસ્તારમાં એક યુવતીની સરા જાહેરમાં યુવકે છરીનાં ઘા ઝીંકીને કરપીણ હત્યા કરી નાખતા ચકચાર મચી ગઈ હતી.પ્રેમ પ્રકરણમાં હત્યા કરવામાં આવી હોવાની ચર્ચા ઉઠવા પામી છે.

સુરેન્દ્રનગર જિલ્લામાં ગણપતિ ફાટસર વિસ્તારમાં એક યુવતીની સરાજાહેર હત્યા કરવામાં આવી છે. ફાટસર વિસ્તારમાં રહેતા ડાયા સોલંકીની યુવાન પુત્રી પાયલ કારખાનામાં કામ અર્થે જઈ રહી હતી. ત્યારે તે જ વિસ્તારમાં રહેતા અમન નથુભાઈ રાઠોડ નામના યુવાને  છરીના ઘા મારી અને તેની હત્યા નીપજાવી છે. ત્યારે યુવક યુવતી સાથે પરાણે પ્રેમ સંબંધ બાંધવા અવારનવાર દબાણ કરતો હતો,પરંતુ યુવતી તેના દબાણને વશ ન થતા આ યુવકે 8 થી 10 છરીના ઘા મારીને,મોતને ઘાટ ઉતારી દીધી હોવાનું જાણવા મળ્યું છે.

ઘટનામાં પરિવાર દ્વારા લોહીથી લથપથ યુવતીને હોસ્પિટલ ખાતે લઈ જતા હાજર ડોક્ટરે મૃત જાહેર કરી હતી. ત્યારે પરિવારજનો દ્વારા જ્યાં સુધી હત્યારો ન ઝડપાય ત્યાં સુધી લાશ ન સ્વીકારવાનો ઇન્કાર કર્યો હતો,પરંતુ સુરેન્દ્રનગર પોલીસ દ્વારા ગણતરીની કલાકોમાં જ આરોપી યુવકની ધરપકડ કરવામાં આવી હતી.અને યુવતીની લાશને પીએમ અર્થે ગાંધી હોસ્પિટલ ખાતે ખસેડવામાં આવી છે.જ્યાં પેનલ ડોક્ટર દ્વારા પીએમ  સહિતની કામગીરી હાથ ધરવામાં આવી હતી. વઢવાણ પોલીસ દ્વારા યુવક વિરુદ્ધ હત્યા અંગેનો ગુનો નોંધી વધુ તપાસ શરૂ કરવામાં આવી છે.

#Love Affair #Murder News #crime news #Surendranagar Police #યુવતીની હત્યા #Girls Murder Case #Surendranagar murder
Related Articles
Read the Next Article

દાહોદ : સાંસદ દ્વારા સંચાલિત કે.જે.ભાભોર શાળામાં એલસી માટે વિદ્યાર્થી પાસેથી રૂ.5000 વસૂલ્યા,સ્ટિંગ ઓપરેશનમાં ફૂટ્યો ભાંડો

એક વિદ્યાર્થી જ્યારે શાળામાં પોતાની એલ.સી. લેવા ગયો ત્યારે તેની પાસેથી 5 હજાર રૂપિયા લેવામાં આવ્યા હતા,જે અંગેનો વિદ્યાર્થીના વાલીએ સ્ટિંગ ઓપરેશન કરીને ભાંડો ફોડ્યો હતો.

author-image
By Connect Gujarat Desk in ગુજરાત સમાચાર
New Update

  • શિક્ષણ જગતને શર્મસાર કરતો કિસ્સો

  • સાંસદની કે.જે.ભાભોર સ્કૂલનો બનાવ

  • એલસી માટે વિદ્યાર્થી પાસેથી લીધા રૂપિયા

  • 5 હજારમાં વિદ્યાર્થીને આપ્યું એલસી

  • વાલીએ સમગ્ર ઘટનાનું કર્યું સ્ટિંગ ઓપરેશન

દાહોદ જિલ્લાના લીમખેડામાં આવેલી સાંસદ જશવંતસિંહ ભાભોરની કે.જે. ભાભોર સ્કૂલ વિવાદમાં આવી છે. એક વિદ્યાર્થી જ્યારે શાળામાં પોતાની એલ.સી. લેવા ગયો ત્યારે તેની પાસેથી 5 હજાર રૂપિયા લેવામાં આવ્યા હતા,જે અંગેનો વિદ્યાર્થીના વાલીએ સ્ટિંગ ઓપરેશન કરીને ભાંડો ફોડ્યો હતો.

દાહોદ જિલ્લાના લીમખેડામાં આવેલી સાંસદ જશવંતસિંહ ભાભોરની કે.જે. ભાભોર સ્કૂલ વિવાદમાં આવી છે. એક વિદ્યાર્થી જ્યારે શાળામાં પોતાની એલ.સી. લેવા ગયો ત્યારે તેની પાસેથી 5 હજાર રૂપિયા લેવામાં આવ્યા હતા.અને સામે આપેલી રસીદમાં કયા કારણોસર ફી લીધી એની નોંધ કરવામાં આવી ન હતી.આ અંગે વિદ્યાર્થીના વાલીએ સ્ટિંગ ઓપરેશન કરીને ભાંડો ફોડ્યો હતો.

આ અંગે દાહોદ જિલ્લા શિક્ષણ અધિકારી એસ.એલ.દામાએ જણાવ્યું હતું કે, પ્રથમ વખત એલ.સી. કઢાવવાનો કોઇ ચાર્જ હોતો નથી. જો આ શાળાએ એલ.સી. માટે ફી લીધી હશે તો એ નિયમ વિરૂદ્ધ છે. વિજ્ઞાન પ્રવાહની શાળાઓમાં સરકારી શાળામાં કોઈ ફી નથી હોતી, ગ્રાન્ટેડ શાળામાં જોગવાઈ પ્રમાણે નોર્મલ ફી જે લેવા પાત્ર થતી હોય એ લઇ શકે છે અને જો ખાનગી શાળા હોય તો એફ.આર.સી. દ્વારા એને મંજૂરી આપવામાં આવેલી હોય છે. જે એફ.આર.સી.ના ધારાધોરણ મુજબ એ ફી લઇ શકતા હોય છે.

ઉલ્લેખનીય છે કે સમગ્ર ઘટના બાબતે હવે શિક્ષણ વિભાગ શાળા વિરુદ્ધ નક્કર કાર્યવાહી કરે છે કે પછી સાંસદની શાળા હોવાથી માત્ર તપાસનું તરકટ કરવામાં આવશે તે જોવું રહ્યું.

#Gujarat #CGNews #Students #MP #Dahod #bribe #school #teacher #Sansad #leaving certificate #KJ Bhabhor School