તાપી : કેન્દ્રિય જળશક્તિ મંત્રી સી.આર.પાટીલની અધ્યક્ષતામાં વિકાસના વિવિધ કામોનું ખાતમુહૂર્ત-લોકાર્પણ કરાયું

• કેન્દ્રિય જળશક્તિ મંત્રી સી.આર.પાટીલની અધ્યક્ષતામાં આયોજન

• જિલ્લામાં વિકાસના વિવિધ કામોનું ખાતમુહૂર્ત અને લોકાર્પણ કરાયું

• ધારાસભ્ય કાર્યલયનું લોકાર્પણ, જળ સંચયના કામોનો પણ શુભારંભ

• બાલકૃષ્ણ ટેકસટાઇલ પાર્ક ખાતે વોટર હાર્વેસ્ટિંગના કામનું ખાતમૂહુર્ત

• જિલ્લા ભાજપ મધ્યસ્થ કાર્યલય બાંધકામના કામનું ખાતમુર્હુત કરાયું

તાપી જિલ્લામાં ભાજપ પ્રદેશ અધ્યક્ષ અને કેન્દ્રિય જળશક્તિ મંત્રી સી.આર.પાટીલની અધ્યક્ષતામાં વિકાસના વિવિધ કામોનું ખાતમુહૂર્ત તેમજ લોકાર્પણ કરવામાં આવ્યું હતું.

તાપી જિલ્લાના ઉચ્છલ, સોનગઢ અને વ્યારા ખાતે ગુજરાત પ્રદેશ ભાજપ અધ્યક્ષ અને કેન્દ્રિય જળશક્તિ મંત્રી સી.આર.પાટીલની અધ્યક્ષતામાં વિવિધ કાર્યક્રમો યોજાયા હતા. જેમાં ઉચ્છલ ખાતે ધારાસભ્યના કાર્યલયનું લોકાર્પણ, જળ સંચયના કામોનો શુભારંભ કરવામાં આવ્યો હતો. ત્યારબાદ સોનગઢના બાલકૃષ્ણ ટેકસટાઇલ પાર્ક ખાતે વોટર હાર્વેસ્ટિંગના કામનું ખાતમૂહુર્ત કરવામાં આવ્યું હતું.

સાથે જ વ્યારા ખાતે જિલ્લા ભાજપ મધ્યસ્થ કાર્યલયના બાંધકામ માટેના કામનું ખાતમુર્હુત પણ કરવામાં આવ્યું હતું. કેન્દ્રિય જળશક્તિ મંત્રી સી.આર.પાટીલે જાહેર સભાને સંબોધન કરવા સાથે કાર્યકરોને વિવિધ મુદ્દે માર્ગદર્શન આપ્યું હતું.

વધુમાં તેઓએ જળ સંચય યોજના અંગે લોકોને વિસ્તૃત સમજણ આપી હતી. આ પ્રસંગે રાજ્યમંત્રી કુંવરજી હળપતિ, મુકેશ પટેલ, તાપી જિલ્લા ભાજપના હોદ્દેદારો અને ધારાસભ્યો સહિત મોટી સંખ્યામાં ગ્રામજનો ઉપસ્થિત રહ્યા હતા.