વલસાડ : વાપી મહાનગરપાલિકા બન્યા બાદ 11 ગામોના સમાવેશ સામે કોંગ્રેસના ધારાસભ્ય સહિત આગેવાનોએ નોંધાવ્યો વિરોધ

વલસાડ જિલ્લાની નવી બનેલી વાપી મહાનગરપાલિકામાં આજુબાજુના 11 ગામનો સમાવેશ કરવામાં આવ્યો છે. જોકે આ નિર્ણય સામે ગામના કેટલાક લોકો દ્વારા વિરોધ કરવામાં આવી રહ્યો છે.

author-image
By Connect Gujarat Desk in ગુજરાત સમાચાર
New Update

  • વાપી મહાનગરપાલિકા બન્યા બાદનો વિવાદ

  • મનપામાં 11 ગામના સમાવેશ સામે વિરોધ

  • કોંગીMLA દ્વારા સતત ચોથી વખત કરાયો વિરોધ

  • મનપાનો ઘેરાવ કરીને નોંધાવ્યો વિરોધ

  • લોકોમાં વેરા વધારા સહિત મુશ્કેલીનો સામનો કરવાનો ડર

વલસાડ જિલ્લાની નવી બનેલી વાપી મહાનગરપાલિકામાં આજુબાજુના 11 ગામનો સમાવેશ કરવામાં આવ્યો છે. જોકે આ નિર્ણય સામે ગામના કેટલાક લોકો દ્વારા વિરોધ કરવામાં આવી રહ્યો છે.વાંસદાના ધારાસભ્ય અને આદિવાસી અગ્રણી અનંત પટેલની આગેવાનીમાં કોંગ્રેસના કાર્યકર્તા ઓ અને 11 ગામના લોકો દ્વારા વિરોધ પ્રદર્શન કરવામાં આવ્યું હતું.

વલસાડ જિલ્લાની નવી બનેલી વાપી મહાનગરપાલિકામાં આજુબાજુના 11 ગામનો સમાવેશ કરવામાં આવ્યો છે.જે નિર્ણય સામે વિરોધનો સુર ઉઠવા પામ્યો છે.મહાનગરપાલિકામાં સમાવેશ કરવાથી ગામના લોકોને વેરા વધારા સાથે અન્ય મુશ્કેલીઓનો પણ સામનો કરવો પડશે તેવા બહાને મહાનગરપાલિકામાં આ ગામનો સમાવેશ નહીં કરવાની માંગ ઉઠી રહી છે. આજે વાપીમાં વાપી મહાનગરપાલિકાના ઘેરાવનું આંદોલન કરવામાં આવ્યું હતું.

આ સમયે વાપી મનપા સામે જ વાંસદાના ધારાસભ્ય અનંત પટેલ સહિત આજુબાજુના ગામ ના કેટલાક લોકોએ  અગ્રણીઓએ નીચે બેસીને વિરોધ કર્યો હતો.મહત્વપૂર્ણ છે કે અગાઉ અનંત પટેલની આગેવાનીમાં વાપી નગર મહાનગરપાલિકાની સામે ત્રણ વખત વિરોધ પ્રદર્શન થઈ ચૂક્યા છે.અને આજુબાજુના 11 ગામોને વાપી મહાનગરપાલિકા માંથી છૂટા કરવાની માંગ પણ કરવામાં આવી ચૂકી છે. જોકે હજુ સુધી કોઈ કાર્યવાહી નહીં થતાં આજે સતત ચોથી વખત અનંત પટેલની આગેવાનીમાં વાપી મનપા સામે વિરોધ પ્રદર્શન યોજાયું હતું.

#Gujarat #CGNews #Protest #villagers #Anant Patel #Vapi #Mahanagar Palika
Related Articles
Read the Next Article

વલસાડ : રેલવે સ્ટેશન પર ભીક્ષુક પરિવારની 9 વર્ષીય બાળકી સાથે શારીરિક અડપલાં કરનાર કુલીની GRP પોલીસે ધરપકડ કરી...

બાળકી રેલવે સ્ટેશનના બાથરૂમમાં ગઈ ત્યારે રેલવે સ્ટેશન પર કુલી તરીકે કામ કરતો ઈસમ તેની પાછળ જઈ લોભામણી લાલચો આપી નિવસ્ત્ર કરવાનો પ્રયાસ કર્યો

author-image
By Connect Gujarat Desk in ગુજરાત સમાચાર
New Update

  • રેલવે સ્ટેશન પર ભીક્ષુક પરિવાર સાથેની ઘટના

  • 9 વર્ષીય બાળકી સાથે કરાયા શારીરિક અડપલાં

  • વેઇટિંગ રૂમના બાથરૂમમાં બાળકીને અડપલાં કર્યા

  • બાળકીએ બૂમાબૂમ કરતાં મામલો બહાર આવ્યો

  • GRP પોલીસે કુલીની ધરપકડ કરી કાર્યવાહી આદરી

વલસાડ રેલવે સ્ટેશન પર ભીક્ષુક પરિવારની 9 વર્ષીય બાળકી સાથે શારીરિક અડપલાં કરનાર કુલીનીGRP પોલીસે ધરપકડ કરી કાયદેસરની કાર્યવાહી હાથ ધરી છે.

વલસાડ રેલવે સ્ટેશન પર એક ચોંકાવનારી ઘટના સામે આવી છે. સ્ટેશન પર ભટકતું જીવન વિતાવતા ભીક્ષુક પરિવારની 9 વર્ષીય બાળકી સાથે કુલીએ શારીરિક અડપલાં કર્યા હતા. બાળકી પ્લેટફોર્મ નં. 1 પર વેઇટિંગ રૂમના બાથરૂમમાં ગઈ, ત્યારે રેલવે સ્ટેશન પર કુલી તરીકે કામ કરતો ઈસમ તેની પાછળ જઈ લોભામણી લાલચો આપી નિવસ્ત્ર કરવાનો પ્રયાસ કર્યો હતો. સાથે જ બાળકીના શરીરે હાથ ફેરવી તેણી સાથે અડપલાં કર્યા હતા. જોકે, સજાગ બાળકીએ વેઇટિંગ રૂમમાંથી બહાર દોડી આવી બૂમાબૂમ કરતાં સમગ્ર ઘટના બહાર આવી હતી.

બાળકીની બૂમો સાંભળી તેના પરિવારજનો ઘટનાસ્થળે દોડી આવ્યા હતા. બાળકીએ સમગ્ર ઘટના પરિવારને જણાવતા પરિવારે તરત જ વલસાડGRPને જાણ કરી હતી.GRP પોલીસની ટીમે આરોપી યુવકની ગણતરીના સમયમાં જ ધરપકડ કરી હતી. પોલીસે વેટિંગ રૂમનાCCTV ફૂટેજ મેળવી ઘટના સ્થળનું પંચનામું કરી આરોપી અને બાળકીનું મેડિકલ કરાવી આગળની તપાસ શરૂ કરી છે. જોકે, આ ઘટનાએ રેલવે સ્ટેશન પર મહિલાઓની સુરક્ષાના મુદ્દાને ચર્ચાનો વિષય બનાવ્યો છે, ત્યારે હાલ તો, વલસાડ સ્ટેશન પર આ પ્રકારની ઘટના અંગે લોકો કુલી પર ચોમેરથી ફિટકાર વરસાવી રહ્યા છે.

#Valsad News #શારીરિક અડપલાં #Valsad Railway Station #sexually assaulted