વલસાડ: બિસ્માર માર્ગોનું 48 કલાકમાં સમારકામ કરો, MP બેઠકમાં આપી સૂચના

વલસાડ સર્કિટ હાઉસ ખાતે વલસાડ ડાંગના સાંસદ ધવલ પટેલ દ્વારા એક વિશેષ મિટિંગનું આયોજન કરવામાં આવ્યું હતું. જેમાં ચોમાસાના સમયગાળા દરમિયાન બિસ્માર બનેલા માર્ગોનું તાકીદે નિરાકરણ લાવવા માટે સૂચના આપવામાં આવી હતી. આ બેઠકમાં વલસાડના તમામ ધારાસભ્યો,સરકારી અધિકારીઓ, નેશનલ હાઇવે ઓથોરિટી ઓફ ઇન્ડિયાના પ્રોજેક્ટ ડાયરેક્ટર તેમજ નેશનલ હાઇવે નંબર 48 અને 56  અને પંચાયતી રોડ સંદર્ભે પ્રજા તરફથી મળતા પ્રશ્નોને વાચા આપવા બેઠકમાં માર્ગદર્શન આપવામાં આવ્યું હતું. નેશનલ હાઇવે નંબર 48 પર પડેલા ખાડાને લઈને તમામ અધિકારીઓને સૂચના આપવામાં આવી હતી અને આવનાર 48 કલાકમાં તમામ ખાડા પૂરી દેવામાં આવે એવા આદેશ અપાયા હતા