ડીસા એરફિલ્ડનું કેમ છે આટલું મહત્વ, PMએ કર્યો આજે શિલાન્યાસ...
PM નરેન્દ્ર મોદીએ આજે ગાંધીનગરમાં ડિફેન્સ એક્સ્પો-2022નું ઉદ્ઘાટન કર્યું છે. આ પ્રસંગે તેમણે ગુજરાતમાં ડીસા એરફિલ્ડનો શિલાન્યાસ પણ કર્યો હતો.
પ્રધાનમંત્રી નરેન્દ્ર મોદીએ આજે ગાંધીનગરમાં ડિફેન્સ એક્સ્પો-2022નું ઉદ્ઘાટન કર્યું છે. આ પ્રસંગે તેમણે ગુજરાતમાં ડીસા એરફિલ્ડનો શિલાન્યાસ પણ કર્યો હતો. એક નવું સંરક્ષણ એરબેઝ. એટલે કે, ભારતીય વાયુસેનાની તાકાત વધુ વધવાની છે. પાકિસ્તાનની હાલત ખરાબ થવા જઈ રહી છે. ડીસા એરફિલ્ડ ભારત અને પાકિસ્તાનની સરહદથી માત્ર 130 કિમી દૂર છે.
ડીસાના નાની ગામમાં એરફિલ્ડ બનાવવામાં આવશે. તેને બનાવવા માટે લગભગ 935 કરોડ રૂપિયાનો ખર્ચ થશે. આ એરફિલ્ડ 4518 એકર જમીનમાં ફેલાયેલું છે. તે બનાસકાંઠા જિલ્લાના થરાદ હાઇવે નજીક બનેલ છે. હવે તમે વિચારશો કે, આ એરફિલ્ડથી શું ફાયદો થશે ? તો પહેલા તમને જણાવી દઈએ કે, આ એરફોર્સનું 52મું સ્ટેશન હશે. આ એરફિલ્ડ દેશની સુરક્ષા અને ક્ષેત્રના વિકાસ માટે મહત્વપૂર્ણ સાબિત થવા જઈ રહ્યું છે. પીએમ મોદીએ નામ લીધા વિના કહ્યું કે, પશ્ચિમી સરહદ પર કોઈપણ પ્રકારના દુ:સાહસ જડબાતોડ જવાબ આપવો સરળ રહેશે. કારણ કે, અહીં વાયુસેનાની શક્તિશાળી ટીમ હાજર રહેશે. સંરક્ષણ બાબતોમાં જે ફાયદો થશે તે તો થશે જ, આ સિવાય તેના ઘણા નાગરિક લાભ પણ છે. ડીસા એરફિલ્ડ નિર્માણથી કચ્છ અને દક્ષિણ રાજસ્થાન વિસ્તારોમાં સ્થાનિક લોકો માટે રોજગારીની તકો વધશે. UDAN યોજના હેઠળ લોકલ ફ્લાઇટ સેવા પણ શરૂ કરી શકાય છે. આ એરફિલ્ડ કંડલા પોર્ટ અને જામનગર રિફાઈનરીથી પૂર્વ દિશામાં આવેલું છે. એટલે કે, ઊર્જા સંબંધિત આર્થિક વિકાસને વેગ મળશે ડીસા એરફિલ્ડ ભારત અને પાકિસ્તાનની સરહદથી માત્ર 130 કિમી દૂર છે. એટલે કે, વાયુસેના પશ્ચિમી સરહદ પર કોઈપણ પ્રકારની કામગીરી કરી શકે છે. પછી તે જમીન પર હોય કે સમુદ્રમાં. પશ્ચિમી સરહદ પર જરૂરી કોઈપણ પ્રકારના હવાઈ સંરક્ષણ માટે હંમેશા તૈયાર રહેશે. જેથી અમદાવાદ અને વડોદરા જેવા મહત્વના આર્થિક કેન્દ્રોને દુશ્મનોના હુમલાથી સુરક્ષિત કરી શકાય.
