લાલ ચોખાને સામેલ કરો તમારા રોજિંદા આહારમાં, કેન્સર તેમજ હદય રોગના જોખમને ઓછું કરવામાં ફાયદાકારકh

રેડ રાઈસ સામાન્ય રીતે એશિયન દેશોમાં, ખાસ કરીને ભારત, શ્રીલંકા અને ઇન્ડોનેશિયામાં ઉગાડવામાં આવે છે. ચોખાની આ અનોખી જાત તેના બાહ્ય પડમાંથી તેનો વિશિષ્ટ લાલ રંગ મેળવે છે, જેને બ્રાન કહેવામાં આવે છે. આ એ જ ભાગ છે જે સફેદ ચોખા બનાવતી વખતે કાઢી નાખવામાં આવે છે, જેનાથી તે ઓછા સ્વાસ્થ્યવર્ધક બને છે. આ ચોખા માત્ર વજન ઘટાડવામાં જ નહીં પરંતુ અન્ય ઘણી રીતે ફાયદાકારક સાબિત થાય છે.

વજન ઘટાડવામાં મદદ કરે છે

લાલ ચોખા વજન ઘટાડવામાં મદદ કરે છે અને લાંબા સમય સુધી તમારું પેટ ભરેલું રાખે છે. આ સિવાય આ ચોખા તમારા શરીરને એનર્જી આપે છે અને પાચનમાં પણ મદદ કરે છે. લાલ ચોખા સંપૂર્ણપણે ચરબી રહિત છે અને તમે જાણતા જ હશો કે વધુ પડતી ચરબીનું સેવન કરવાથી વજનમાં વધારો થાય છે

વધુ એન્ટીઑકિસડન્ટો

લાલ ચોખામાં બ્રાઉન રાઈસ કરતા 10 ગણા વધુ એન્ટીઓક્સીડેન્ટ હોય છે. લાલ ચોખામાં આયર્ન, વિટામિન્સ, ફોસ્ફરસ અને ફાઈબર પણ ભરપૂર પ્રમાણમાં હોય છે. લાલ ચોખા એન્થોકયાનિન જેવા એન્ટીઑકિસડન્ટોથી સમૃદ્ધ છે, જે તેના તેજસ્વી લાલ રંગ માટે પણ જવાબદાર છે. આ શરીરમાં થતા કોષોના નુકસાન જે કેન્સર, હૃદય રોગ અને ડાયાબિટીસ જેવા ગંભીર રોગો તરફ દોરી જાય છે તેને અટકાવી શકે છે અથવા ધીમી કરી શકે છે.

ફાઇબરથી સમૃદ્ધ

લાલ ચોખામાં ફાઇબર પણ ભરપૂર હોય છે અને ચરબી ઓછી હોય છે, જે તેને વજન ઘટાડવા માટે યોગ્ય ખોરાક બનાવે છે. ફાઇબર આપણા પાચન માટે ખૂબ જ મહત્વપૂર્ણ છે કારણ કે તે આંતરડાની ગતિને સુધારવામાં, કબજિયાતને રોકવામાં અને શરીરમાં કોલેસ્ટ્રોલનું સ્તર ઘટાડવામાં મદદ કરે છે.

વિટામિન્સ અને મિનરલ્સ

લાલ ચોખામાં જરૂરી વિટામિન્સ અને મિનરલ્સ પણ ભરપૂર હોય છે, તે વિટામિન B6 નો સારો સ્ત્રોત છે, જે શરીરને લાલ રક્ત કોશિકાઓ અને ન્યુરોટ્રાન્સમીટર ઉત્પન્ન કરવામાં મદદ કરે છે જે તમારા મૂડને નિયંત્રિત કરે છે. તેમાં વિટામિન E એન્ટીઑકિસડન્ટ પણ હોય છે, જે ત્વચાને સ્વસ્થ રાખવામાં મદદ કરે છે અને કેટલાક પ્રકારના કેન્સરનું જોખમ પણ ઘટાડી શકે છે. આ સિવાય લાલ ચોખામાં પોટેશિયમ, આયર્ન અને મેગ્નેશિયમ હોય છે જે હાડકાના સ્વાસ્થ્ય, બ્લડ પ્રેશર અને ચયાપચયને જાળવવામાં મદદ કરે છે.

ગ્લુટેન ફ્રી

લાલ ચોખા કુદરતી રીતે ગુલતાન ફ્રી હોય છે, જે તેને સેલિયાક રોગ, ગ્લુટેન અસહિષ્ણુ અથવા ઘઉંની એલર્જી ધરાવતા લોકો માટે તંદુરસ્ત વિકલ્પ બનાવે છે. આ સ્થિતિ ધરાવતા લોકો ગ્લુટેનનું સેવન કરે તો પેટમાં તીવ્ર દુખાવો, ઝાડા અને અન્ય પાચન સમસ્યાઓ અનુભવી શકે છે. આવી સ્થિતિમાં લાલા ચોખા એક સારો વિકલ્પ છે.

કેન્સરનું જોખમ ઘટાડે

લાલ ચોખા અમુક કેન્સરના જોખમને ઘટાડી શકે છે, જેમ કે કોલોન કેન્સર, સ્તન કેન્સર અને પ્રોસ્ટેટ કેન્સર. આ ચોખામાં હાજર એન્ટીઑકિસડન્ટ અને બળતરા વિરોધી સંયોજનોને કારણે છે. આ સંયોજનો કેન્સરના કોષોને વધતા અને ફેલાતા અટકાવવામાં મદદ કરે છે, જેનાથી શરીરના એકંદર આરોગ્યમાં સુધારો થાય છે.

હૃદય રોગ અટકાવે

લોહીમાં લો-ડેન્સિટી લિપોપ્રોટીન અથવા એલડીએલનું ઊંચું સ્તર ધમનીની દિવાલોમાં તકતીનું નિર્માણ કરે છે, જે ધમનીઓના કદને સાંકડું કરે છે અને કોરોનરી ધમનીઓને અવરોધિત કરી શકે છે, જે હૃદયરોગના હુમલા તરફ દોરી જાય છે. એલડીએલ કોલેસ્ટ્રોલનું સ્તર ઘટવાથી હૃદય રોગનું જોખમ ઓછું થાય છે. જે દર્દીઓએ લાલ યીસ્ટ ચોખાનું સેવન કર્યું હતું તેઓમાં પ્લેસિબો લેનારા દર્દીઓની સરખામણીમાં એલડીએલ કોલેસ્ટ્રોલનું સ્તર ઓછું હતું.

હાડકાના સ્વાસ્થ્ય માટે યોગ્ય

લાલ ચોખા મેગ્નેશિયમનો ઉત્તમ સ્ત્રોત છે, જે તમારા હાડકાના સ્વાસ્થ્ય માટે યોગ્ય છે. મેગ્નેશિયમ હાડકાંને સ્વસ્થ અને મજબૂત રાખવા માટે જરૂરી પોષક તત્વ છે. મેગ્નેશિયમની ઉણપને કારણે ઓસ્ટીયોપોરોસીસ અને લો બોન ડેંસિટી જેવી સમસ્યાઓ થઈ શકે છે. દરરોજ લાલ ચોખાનું સેવન કરવાથી સાંધાની સમસ્યાઓથી પણ છુટકારો મળી શકે છે.