વાંચો, શરીરમાં ક્યાં વિટામિનની ઉણપથી વાળ ખરવા લાગે છે, તેના ઉકેલ માટે આ આહાર જરૂર ખાઓ

વાળની સુંદરતા માટે લોકો અલગ-અલગ પ્રકારની ટ્રીટમેન્ટ કરાવતા હોય છે અને સ્ટાઇલિશ હેર કટ પણ કરાવીએ છીએ અને કલર પણ લગાવીએ છીએ, પરંતુ તેના પરિણામોમાં વાળ વધારે રૂસ્ક થય જાય છે. વાળ ખરવાની સમસ્યા પણ છે, તેથી સ્વાસ્થ્યની સાથે સાથે તમે તમારા વાળનું પણ ધ્યાન રાખો. આ માટે વાળને પોષણ આપવું જરૂરી છે. બાયોટિન વાળની મજબૂતી માટે જરૂરી છે. આ માટે, તમે તમારા આહારમાં બાયોટિન સમૃદ્ધ ખોરાક ખાઈ શકો છો.તો ચાલો જાણીએ શું છે બાયોટીન અને તેના ખાદ્ય સ્ત્રોત.

બાયોટિન શું છે?

બાયોટિન એ વિટામિન B કોમ્પ્લેક્સનો એક ભાગ છે, જેને વિટામિન B7 અને વિટામિન H તરીકે પણ ઓળખવામાં આવે છે. તેની ઉણપને કારણે, આપણને વાળ, નખ અને ત્વચા સંબંધિત સમસ્યાઓ થવા લાગે છે. તેથી, વિટામિન બી કોમ્પ્લેક્સને પણ તમારા આહાર સામેલ કરી શકો છો. શરીરમાં તેની ઉણપને દૂર કરવા માટે, તમે આ ખોરાક ખાઈ શકો છો.

બદામ :-

બાયોટિન, વિટામિન ઇ, ફાઇબર, ઓમેગા થ્રી ફેટી એસિડ અને મોનોઅનસેચ્યુરેટેડ વાળ માટે શ્રેષ્ઠ પોષક તત્વો છે. શરીરમાં આ પોષક તત્વોની ઉણપને દૂર કરવા માટે વ્યક્તિ બદામ ખાઈ શકે છે.

સીડ્સ :-

સીડ્સમાં ફેટી એસિડ્સ, મિનરલ્સ, વિટામિન્સ, આયર્ન, મેગ્નેશિયમ, કેલ્શિયમ, ફોસ્ફરસ અને બાયોટિન બીજમાં પુષ્કળ પ્રમાણમાં જોવા મળે છે. જેના કારણે સીડ્સને સુપરફૂડ તરીકે પણ ઓળખવામાં આવે છે. વાળ માટે આ શ્રેષ્ઠ કુદરતી સ્ત્રોત છે.

ઇંડા :-

ઇંડા બાયોટીનનો કુદરતી સ્ત્રોત છે. આ ખાવાથી તમારા વાળ સ્વસ્થ રહે છે. શરીરમાં બાયોટિનની ઉણપને દૂર કરવા માટે, તમે દરરોજ ઇંડા ખાઈ શકો છો.

બાજરી :-

બાજરી પોષક તત્વોનો ભંડાર છે. તમે તમારા આહારમાં બાજરીના લોટમાંથી બનેલી રોટલી ખાઈ શકો છો. તેનાથી તમારા શરીરની સાથે તમારા વાળને પણ પોષણ મળશે.