પાચનથી લઈ હાડકાના સ્વાસ્થય સુધી છે ઉપયોગી, જાણો ખસખસના શું છે ફાયદાઓ....

તમે ખસખસનું નામ તો સાંભળ્યું જ હશે. તે જોવામાં ખૂબ જ સામાન્ય લાગે છે, પરંતુ સ્વાસ્થ્ય માટે ખૂબ જ ફાયદાકારક છે. તમે તેનો ઉપયોગ મીઠી અને સ્વાદિષ્ટ વાનગીઓમાં કરી શકો છો.ખાસ કરીને ચુરમાના લાડુની ઉપર તેને સજાવવામાં આવે છે, તે ભોજનનો સ્વાદ વધારે છે અને આરોગ્યથી ભરપૂર છે. ખસખસ હૃદયને સ્વસ્થ રાખવાની સાથે પાચન માટે પણ ખૂબ જ જરૂરી છે. તો જાણીએ ચાલો ખસખસના ફાયદા વિશે ...

ખસખસ એ પોષક તત્વોનો ભંડાર છે. તેમાં પ્રોટીન, ફાઈબર, કેલ્શિયમ, મેંગેનીઝ, થાઈમીન જેવા તત્વો મળી આવે છે. જે તમને સ્વસ્થ રાખવામાં મદદ કરે છે.

ખસખસના શું શું ફાયદાઓ છે :-

હૃદયના સ્વાસ્થ્ય માટે :-

ખસખસ પોટેશિયમથી ભરપૂર હોય છે. હાઈ બ્લડ પ્રેશરને નિયંત્રિત કરવાની સાથે, તે હૃદય સંબંધિત રોગોને ઘટાડવામાં મદદ કરે છે. જે લોકોને બ્લડ પ્રેશરની સમસ્યા હોય તેઓ તેમના આહારમાં ખસખસનો સમાવેશ કરવો જોઈએ.

પાચન સુધારી શકે છે :-

ખસખસ ફાઇબરનો ઉત્તમ સ્ત્રોત છે. જે આંતરડાની ગતિને સરળ બનાવે છે અને કબજિયાતની સમસ્યાથી રાહત મેળવવા મદદ કરે છે. પેટ સંબંધિત સમસ્યાઓથી રાહત મેળવવા માટે ખસખસનું સેવન કરો.

હાડકાં મજબૂત બને છે :-

ખસખસ કેલ્શિયમથી ભરપૂર હોય છે. જેના કારણે તે હાડકાના સ્વાસ્થ્ય માટે ખૂબ જ ફાયદાકારક છે. આ સિવાય તે દાંત માટે પણ ફાયદાકારક છે.

પીડા દૂર કરવામાં મદદરૂપ :-

ખસખસમાં એવા ગુણ હોય છે, જે દર્દ ઘટાડવામાં મદદરૂપ થાય છે. આ રીતે તમારા આહારમાં ખસખસનો સમાવેશ કરી શકો છો.

કચુંબર ટોપિંગ્સ :-

અદભૂત સ્વાદ માટે તમે સલાડ પર ખસખસનો પાવડર છાંટી શકો છો. તેને સ્ટ્રોબેરી અથવા પાલકના સલાડમાં સામેલ કરવું જોઈએ.

મસાલા :-

ખસખસનો ઉપયોગ મસાલા તરીકે પણ કરી શકાય છે. ખસખસના બીજનો ઉપયોગ સામાન્ય રીતે મસાલેદાર કરી માટે ક્રીમી પેસ્ટ બનાવવા માટે થાય છે. તમે ખસખસનો ઉપયોગ કરીને હલવો, રોલ અથવા કેક પણ બનાવી શકો છો.