ગાઝિયાબાદમાં નારાજ વિદ્યાર્થિનીઓએ CM યોગીને લોહીથી પત્ર લખ્યો, કહ્યું : પ્રિન્સિપાલ અમારી છેડતી કરે છે..!

ગાઝિયાબાદની એક સ્કૂલમાં ભણતી વિદ્યાર્થીનીઓએ તેમના પ્રિન્સિપાલ પર ગંભીર આરોપ લગાવ્યા છે. આ અંગે વેવ સિટી પોલીસ સ્ટેશન વિસ્તારની વિદ્યાર્થિનીઓએ મુખ્યમંત્રીને પત્ર લખીને આરોપીઓ સામે ન્યાય અને કાર્યવાહીની માંગ કરી છે. પત્રમાં વિદ્યાર્થીનીઓએ લખ્યું છે કે, બાબાજી અમે તમારી દીકરીઓ છીએ અમને ન્યાય આપો. આ મામલે પોલીસને બંને પક્ષે ફરિયાદ મળી છે.

જોકે, પ્રિન્સિપાલ સામે છેડતીની ફરિયાદ નોંધાવનાર વિદ્યાર્થીનીઓએ મુખ્યમંત્રી યોગી આદિત્યનાથને લોહીથી પત્ર લખીને ન્યાયની માંગ કરી છે. વેવ સિટી પોલીસ સ્ટેશન વિસ્તારની વિદ્યાર્થિનીઓએ મુખ્યમંત્રીને પત્ર લખીને આરોપીઓ સામે ન્યાય અને કાર્યવાહીની માંગ કરી છે. પત્રમાં વિદ્યાર્થીનીઓએ લખ્યું છે કે, બાબાજી અમે તમારી દીકરીઓ છીએ અમને ન્યાય આપો. તમને જણાવી દઈએ કે, તા. 21 ઓગસ્ટના રોજ વિદ્યાર્થિનીઓએ વેવ સિટી પોલીસ સ્ટેશનમાં સ્કૂલના પ્રિન્સિપાલ વિરુદ્ધ છેડતીની ફરિયાદ નોંધાવી હતી. પોલીસે આ મામલે કાર્યવાહી ન કરતાં વિદ્યાર્થીનીઓના સંબંધીઓ શાળાએ પહોંચ્યા હતા. પ્રિન્સિપાલે સંબંધીઓ વિરુદ્ધ ફરિયાદ નોંધાવી હતી. આરોપ છે કે, તે સ્કૂલમાં ઘૂસીને તેની સાથે મારપીટ કરી હતી. આ કેસમાં પોલીસે બંને પક્ષે ગુનો નોંધ્યો હતો, પરંતુ હજુ સુધી કોઈ કાર્યવાહી થઈ શકી નથી. તેની વિદ્યાર્થીનીઓએ મુખ્યમંત્રીને લોહીથી 4 પાનાનો પત્ર લખ્યો છે. નોંધપાત્ર છે કે, આ મામલો શાહપુર બમહેટા ગામની કિસાન આદર્શ ઉચ્ચતર માધ્યમિક શાળાનો છે. વિદ્યાર્થિનીઓએ પોલીસ પર આ મામલે તેમને ધમકાવવાનો આરોપ પણ લગાવ્યો છે. વિદ્યાર્થિનીઓના જણાવ્યા અનુસાર, પોલીસ અમારા માતા-પિતાને ડરાવવા અને ધમકાવવા માટે દરરોજ અમારા ઘરે આવે છે. અમારા માટે ઘરની બહાર નીકળવું મુશ્કેલ બની ગયું છે, અને શાળા સંચાલકે અમને શાળાએ આવવાની મનાઈ ફરમાવી છે. અમારા માતા-પિતા અને ગ્રામજનો કહે છે કે, પ્રિન્સિપાલ યુનિયનના અધિકારી છે, તેથી તેમને કોઈ સજા નહીં થાય અને અમારું જીવન સંપૂર્ણપણે બરબાદ થઈ જશે. વિદ્યાર્થિનીઓએ પત્રમાં આગળ લખ્યું, "અમે બધી છોકરીઓ તમને મળવા અને તમને અમારી બધી બાબતો કહેવા માંગીએ છીએ, અને તમારી પાસેથી ન્યાયની માંગણી કરવા માંગીએ છીએ.