Connect Gujarat
દેશ

RSSના ગણવેશમાં આગની તસ્વીર કોંગ્રેસે ટ્વિટ કરી ભાજપ પર સાધ્યું નિશાન, BJPના નેતાઓએ આપ્યો આવો જવાબ !

ભારત જોડો યાત્રાની વચ્ચે કોંગ્રેસે એક એવી તસવીર શેર કરી છે, જેનાથી મોટો વિવાદ થઈ શકે છે.

RSSના ગણવેશમાં આગની તસ્વીર કોંગ્રેસે ટ્વિટ કરી ભાજપ પર સાધ્યું નિશાન, BJPના નેતાઓએ આપ્યો આવો જવાબ !
X

ભારત જોડો યાત્રાની વચ્ચે કોંગ્રેસે એક એવી તસવીર શેર કરી છે, જેનાથી મોટો વિવાદ થઈ શકે છે. વાસ્તવમાં, કોંગ્રેસે તેના સત્તાવાર ટ્વિટર હેન્ડલ પરથી કરવામાં આવેલી પોસ્ટમાં RSSના ડ્રેસમાં આગ લાગી હોવાની તસવીર શેર કરી છે, જેના પછી રાજકારણ ગરમાયું છે. આ તસવીર દ્વારા કોંગ્રેસે RSS-BJP પર નિશાન સાધ્યું છે. ટ્વિટર પર તસવીર પોસ્ટ કરતા કોંગ્રેસે લખ્યું કે અમે દેશને નફરતના વાતાવરણથી મુક્ત કરવાના લક્ષ્ય તરફ એક-એક પગલું ભરી રહ્યા છીએ અને RSS-BJP દ્વારા થયેલા નુકસાનની ભરપાઈ કરી રહ્યા છીએ. પોસ્ટ કરેલી તસવીરમાં આરએસએસના ડ્રેસમાં નીચે આગ સળગી રહી છે અને ધુમાડો પણ નીકળી રહ્યો છે. આ સાથે તસવીર પર લખ્યું છે કે "145 Days to Go"

બીજેપી સાંસદ તેજસ્વી સૂર્યાએ કહ્યું કે 1984માં કોંગ્રેસની આગમાં દિલ્હી સળગી ગઈ હતી. તેણે 2002માં ગોધરામાં 59 કાર સેવકોને જીવતા સળગાવી દીધા હતા. તેઓએ ફરીથી તેમના ઇકોસિસ્ટમને હિંસાનો કોલ આપ્યો છે. રાહુલ ગાંધી ભારતીય રાજ્ય સામે લડતા હોવાથી, કોંગ્રેસ હવે બંધારણમાં માનનારી પાર્ટી રહી નથી.

બીજી તરફ બીજેપી નેતા સંબિત પાત્રાએ કહ્યું કે આ 'ભારત જોડો યાત્રા' નથી પરંતુ 'ભારત તોડો યાત્રા' છે. કોંગ્રેસ પાર્ટીએ આવું પહેલીવાર નથી કર્યું. હું રાહુલ ગાંધીને પૂછવા માંગુ છું કે શું તમે આ દેશમાં હિંસા ઈચ્છો છો? કોંગ્રેસે આ તસવીર તાત્કાલિક હટાવી લેવી જોઈએ એવી માંગ કરી હતી

Next Story
Share it