કર્ણાટક અને તમિલનાડુમાં વહેલી સવારે ભૂકંપના આંચકા અનુભવાયા, રિક્ટર સ્કેલ પર તેની તીવ્રતા આટલી હતી
કર્ણાટકના વિજયપુરા જિલ્લામાં આજે સવારે ભૂકંપની માહિતી સામે આવી છે.
કર્ણાટકના વિજયપુરા જિલ્લામાં આજે સવારે ભૂકંપની માહિતી સામે આવી છે. નેશનલ સેન્ટર ફોર સિસ્મોલોજી (NCS) એ જણાવ્યું કે શુક્રવારે સવારે કર્ણાટકના વિજયપુરા જિલ્લામાં રિક્ટર સ્કેલ પર 3.1ની તીવ્રતાનો ભૂકંપ આવ્યો હતો.
NCS દ્વારા શેર કરવામાં આવેલા ડેટા અનુસાર, શુક્રવારે સવારે 6:52 વાગ્યે આ વિસ્તારમાં ભૂકંપના આંચકા અનુભવાયા હતા. ટ્વિટર પરની એક પોસ્ટમાં, નેશનલ સેન્ટર ફોર સિસ્મોલોજીએ જણાવ્યું હતું કે, ભૂકંપની તીવ્રતા: 3.1, 8-12-2023, 06:52:21 IST, અક્ષાંશ: 16.77 અને રેખાંશ: 75.87, ઊંડાઈ: 10 કિમી, સ્થાન: વિજયપુરા, કર્ણાટક. હતી.
તામિલનાડુની વાત કર્યે તો X પર માહિતી આપતા નેશનલ સિસ્મોલોજીકલ સેન્ટરે જણાવ્યું હતું કે તમિલનાડુના ચેંગલપટ્ટુમાં સવારે લગભગ 7.39 વાગ્યે 3.2ની તીવ્રતાનો ભૂકંપ આવ્યો હતો. નેશનલ સેન્ટર ફોર સિસ્મોલોજીએ જણાવ્યું હતું કે શુક્રવારે સવારે અહીં 3.2ની તીવ્રતાનો ભૂકંપ આવ્યો હતો.