બિહારમાં 5 વર્ષના ટાબરિયાએ સ્કૂલના વિદ્યાર્થી પર પિસ્ટલથી ગોળી મારી ઇજા પહોંચાડી

બિહારના સુપૌલમાં ચોંકાવનારી ગંભીર ઘટના પ્રકાશમાં આવી છે. ત્રિવેણી ગંજના લાલપટ્ટી સ્થિત સેન્ટ જોન બોર્ડિંગ સ્કૂલમાં નર્સરીમાં ભણતો 5 વર્ષનો એકલવ્ય કુમાર મંગળવારે સ્કૂલમાં પિસ્ટલ લઈને પહોંચી ગયો હતો એટલું જ નહીં, પ્રાર્થના શરૂ થાય એ પહેલાં તેણે ત્રીજા ધોરણમાં ભણતા 10 વર્ષના વિદ્યાર્થી આસિફ પર ગોળીબાર પણ કર્યો હતો. ડાબા હાથ પર ગોળી વાગતાં વિદ્યાર્થીને હોસ્પિટલ મોકલીને શાળા તંત્રે બંને બાળકોના પરિવારને બોલાવ્યા હતા.

5 વર્ષના બાળકએ સ્કૂલના વિદ્યાર્થી પર પિસ્ટલથી ગોળી મારી

શાળાના આચાર્ય બન્ને પરિવારો સાથે વાત કરતા હતા એટલામાં ગોળી ચલાવનારા વિદ્યાર્થીને લઈને તેના પિતા મુકેશ યાદવ ત્યાંથી ભાગી ગયા હતા. ઘટનાને પગલે ઘાયલ બાળકના રોષે ભરાયેલા પરિવારજનોએ શાળામાં તોડફોડ કરી મૂકી અને ત્રિવેણીગંજ પોલીસે તપાસ શરૂ કરી હતી. જોકે આરોપી બાળક હોસ્ટેલમાં બેડ નીચે સંતાઈ ગયો હતો. વાતાવરણ શાંત થયું એટલે પોલીસ તેને લઈને  આવી હતી. જોકે પિતા હજી ફરાર છે. અત્યારે સ્થિતિ થાળે પડી છે, પરંતુ એકલવ્ય ક્યાંથી પિસ્ટલ લાવ્યો? શા માટે આસિફને ગોળી મારી? જેવા પ્રશ્નો અનુત્તર છે.