કેજરીવાલ 7 સમન્સ બાદ પણ ED સમક્ષ હાજર ન થયા, AAPએ કહ્યું ઇન્ડિયા ગઠબંધન છોડવા દબાણ લાવવામાં આવી રહ્યું છે

સમન્સ બાદ સમન્સ પાઠવવામાં આવે છે, પરંતુ દિલ્હીના મુખ્યમંત્રી અરવિંદ કેજરીવાલ ફરી એકવાર ED સમક્ષ હાજર થયા નથી. સાતમું સમન્સ ED દ્વારા કેજરીવાલને મોકલવામાં આવ્યું હતું, પરંતુ પહેલા છ સમન્સની જેમ આ વખતે પણ કેજરીવાલે EDને સમય આપ્યો ન હતો. આ દરમિયાન આમ આદમી પાર્ટી દ્વારા એક નિવેદન જાહેર કરવામાં આવ્યું છે.AAPએ પોતાના નિવેદનમાં કહ્યું છે કે આ મામલો હાલમાં કોર્ટમાં છે, જેની આગામી સુનાવણી 16 માર્ચે છે. આવી સ્થિતિમાં EDએ દરરોજ સમન્સ મોકલવાને બદલે કોર્ટના નિર્ણયની રાહ જોવી જોઈએ. વાસ્તવમાં, EDએ મુખ્યપ્રધાન અરવિંદ કેજરીવાલને સમન્સ મોકલ્યું હતું, જે મુજબ તેમણે સોમવારે 26 ફેબ્રુઆરીએ ED સમક્ષ હાજર થવાનું હતું પરંતુ તેમણે તેમ કર્યું ન હતું.આમ આદમી પાર્ટીએ કહ્યું છે કે, મોદી સરકાર તેમના પર ઈન્ડિ ગઠબંધનથી અલગ થવા માટે દબાણ કરી રહી છે. પાર્ટીએ પોતાના નિવેદનમાં કહ્યું કે તે ગઠબંધનથી અલગ નહીં થાય, તેથી મોદી સરકારે તેના પર દબાણ ન બનાવવું જોઈએ. આ પહેલા પણ AAP મંત્રી આતિશીએ કહ્યું હતું કે તેમની પાર્ટી પર ઈન્ડિ ગઠબંધનથી અલગ થવા માટે દબાણ કરવામાં આવી રહ્યું છે.