TMC સાંસદ મહુઆ મોઇત્રાએ જર્મનીમાં પિનાકી મિશ્રા સાથે કર્યા લગ્ન.

તૃણમૂલ કોંગ્રેસના સાંસદ મહુઆ મોઇત્રાએ જર્મનીમાં લગ્ન કર્યા છે. તેમણે ભૂતપૂર્વ બીજેડી સાંસદ પિનાકી મિશ્રા સાથે લગ્ન કર્યા છે. બંનેએ ગુપ્ત રીતે લગ્ન કર્યા. મળતી માહિતી મુજબ, બંનેએ 3 મેના રોજ લગ્ન કર્યા હતા.

બંનેના લગ્નના ફોટા હવે સોશિયલ મીડિયા પર વધુને વધુ વાયરલ થઈ રહ્યા છે. વાયરલ ફોટામાં, મહુઆ અને પિનાકી એકબીજાના હાથ પકડીને જોઈ શકાય છે. જોકે, બંને દિગ્ગજોએ લગ્ન અંગે કોઈ સત્તાવાર નિવેદન આપ્યું નથી. આ દરમિયાન, લોકોના મનમાં એક પ્રશ્ન છે કે મહુઆ મોઇત્રાના પહેલા પતિ કોણ છે અને પિનાકી મિશ્રાની પહેલી પત્ની કોણ હતી?

પિનાકી મિશ્રા વિશે જાણો

તમને જણાવી દઈએ કે પિનાકી મિશ્રાનો જન્મ 23 ઓક્ટોબર 1959 ના રોજ ઓડિશાના પુરીમાં થયો હતો. તેઓ પુરીથી સાંસદ પણ રહી ચૂક્યા છે. 2024 ની લોકસભા ચૂંટણીમાં બીજેડી દ્વારા તેમની ટિકિટ કાપી લેવામાં આવી હતી. પિનાકી પિશરા પહેલી વાર ૧૯૯૬માં કોંગ્રેસની ટિકિટ પર સાંસદ બન્યા હતા. બાદમાં તેઓ ૨૦૦૯ થી ૨૦૧૯ સુધી બીજેડીના સભ્ય હતા.