મહારાષ્ટ્રની 288 સીટ પર મતદાન: ફિલ્મ કલાકારો, ક્રિકેટરો સહિત દિગ્ગજ નેતાઓએ કર્યો મતાધિકારનો ઉપયોગ

મહારાષ્ટ્ર વિધાનસભાની 288 બેઠકો માટે આજે એક તબક્કામાં મતદાન થઈ રહ્યું છે. સવારે 7 વાગ્યાથી શરૂ થઈને સાંજે 6 વાગ્યા સુધી મતદાન થશે. 11 વાગ્યા સુધી રાજ્યમાં 18.14% મતદાન થયું. ગઢચિરોલીમાં સૌથી વધુ 30% અને નાંદેડમાં સૌથી ઓછું 13.67% મતદાન થયું

ફિલ્મ ઈન્ડસ્ટ્રીના સેલેબ્સ અક્ષય કુમાર, રાજકુમાર રાવ, ફરહાન અખ્તર મતદાન કરવા આવ્યા હતા. સચિન તેંડુલકરે પણ પોતાના પરિવાર સાથે મુંબઈના મતદાન મથક પર પોતાનો મત આપ્યો હતો અને લોકોને ઘરની બહાર આવીને મતદાનની જવાબદારી નિભાવવાની અપીલ કરી હતી. NCP અજિત પવારના નેતા બાબા સિદ્દીકીના પુત્ર જીશાને કહ્યું- પહેલીવાર હું એકલો વોટ આપવા આવ્યો છું..

મહારાષ્ટ્રની 288 બેઠકો પર સિંગલ તબક્કામાં મતદાન થઈ રહ્યું છે. પરિણામ 23 નવેમ્બરે આવશે.  મહારાષ્ટ્રના ડેપ્યુટી સીએમ દેવેન્દ્ર ફડણવીસે નાગપુર દક્ષિણ-પશ્ચિમ સીટ પર પોતાનો મત આપ્યો. તેમની સાથે માતા સરિતા ફડણવીસ અને પત્ની અમૃતા ફડણવીસ પણ હાજર હતા.

કોંગ્રેસ નેતા રાહુલ ગાંધીએ અપીલ કરી કે લોકોએ મહારાષ્ટ્રના સ્વાભિમાન અને બંધારણની રક્ષા માટે મતદાન કરવું જોઈએ. રાહુલે કહ્યું કે મહાવિકાસ આઘાડીને આપેલો તમારો દરેક મત તમારી નોકરીઓ અને પ્રોજેક્ટ્સની ચોરી અટકાવશે, ખેડૂતોને તેમના પાકના વાજબી ભાવ આપશે અને 5 ગેરંટી સાથે તમારા જીવનમાં સમૃદ્ધિ લાવશે.

પીએમ મોદીએ કહ્યું- લોકશાહીના ઉત્સવનો ભાગ બનો:-