સોના અને ચાંદીના ભાવમાં થયો વધારો

ઘરેલુ બજારમાં બંને મુખ્ય કિંમતી ધાતુઓ સોના અને ચાંદીના ભાવમાં સતત તેજી જોવા મળી રહી છે. બંને કિંમતી ધાતુઓના ભાવમાં તેજીનો ટ્રેન્ડ આજે સોમવારે પણ MCX પર દેખાઈ રહ્યો છે. ચાંદીના ભાવમાં તો આજે જબરદસ્ત તેજી દેખાઈ રહી છે.

MCX પર 4 ઓક્ટોબરની ડિલિવરી વાળા ગોલ્ડ ફ્યુચર્સ કોન્ટ્રાક્ટમાં આજે લગભગ 0.18 ટકાની તેજી જોવા મળી રહી છે. વાયદા વેપારમાં સોનું સવારે 73,645 રૂપિયા પ્રતિ 10 ગ્રામ પર વેપાર કરી રહ્યું હતું. એ જ રીતે 5 ડિસેમ્બરની ડિલિવરી વાળી ચાંદીનો વાયદા સોદો પણ મજબૂતાઈ સાથે શરૂઆતના સેશનમાં 90,008 રૂપિયા પ્રતિ કિલોગ્રામ બોલાઈ રહ્યો હતો. ચાંદીના ભાવમાં MCX પર આજે 828 રૂપિયા (લગભગ 1 ટકા)ની તેજી આવી છે.

ઘરેલુ બજારમાં બંને કિંમતી ધાતુઓના ભાવમાં તેજીનું મુખ્ય કારણ વિદેશી બજારમાં ભાવ મજબૂત થવાનું છે. ગયા અઠવાડિયાથી બનેલી તેજી માટે મુખ્યત્વે વિદેશી સંકેતોને જ જવાબદાર માનવામાં આવી રહ્યા છે. અમેરિકામાં સેન્ટ્રલ બેંક ફેડરલ રિઝર્વ દ્વારા વ્યાજ દરોમાં કાપ મૂકવાની જલ્દી શરૂઆત થવાની આશાએ સોના ચાંદીને રોકાણકારોની પ્રથમ પસંદગી બનાવી દીધા છે. આ કારણે વિદેશી બજારમાં બંને કિંમતી ધાતુઓની મજબૂત માંગ નીકળી રહી છે, જેનાથી ભાવમાં સતત તેજી આવી રહી છે.