ECIનું ડિજિટલ ક્રાંતિ તરફ મોટું પગલું, ટૂંક સમયમાં લોન્ચ થશે ECINET એપ

ECINET એ ભારતીય ચૂંટણી પ્રણાલી માટે એક નવી પહેલ કરી છે, જે મતદારો અને અધિકારીઓને સરળ અને સારો અનુભવ પ્રદાન કરશે. 

હવે લોકોને અલગ-અલગ એપ્સ ડાઉનલોડ કરવાની અને પાસવર્ડ યાદ રાખવાની જરુરીયાત નહીં રહેશે. ECINET, મતદારો, ૧૦૦ કરોડથી વધુ લોકો, તેમજ ૧૦.૫ લાખથી વધુ બૂથ લેવલ ઓફિસરો, 15 લાખ રાજકીય એજન્ટો, 15 લાખથી વધુ મતદાન અધિકારીઓ, 15,597 સહાયક ચૂંટણી નોંધણી અધિકારીઓ, 4,123 ચૂંટણી નોંધણી અધિકારીઓ અને 767 જિલ્લા ચૂંટણી અધિકારીઓને પણ આ સેવાઓ આપશે.

આ એપ્લિકેશનમાં અપલોડ થયેલી તમામ માહિતી માત્ર અધિકૃત ચૂંટણી અધિકારી દ્વારા દાખલ કરવામાં આવશે, જેથી ડેટાની ચોકસાઈની ખાતરી રહે. જો કોઈ વિવાદ ઉઠે, તો વૈધાનિક ફોર્મમાં આપવામાં આવેલી માહિતી અંતિમ ગણાશે. ECINET એ દેશની સૌથી લોકપ્રિય એપ્લિકેશનો જેમ કે વોટર હેલ્પલાઇન, વોટર ટર્નઆઉટ, cVIGIL, સુવિધા 2.0, ESMS, સક્ષમ અને KYC એપ્સને પણ મર્જ કર્યું છે, જે અત્યાર સુધી 5.5 કરોડથી વધુ વખત ડાઉનલોડ થઈ ચૂકી છે.

ECINETનું વિકાસ એક અદ્યતન તબક્કે પહોંચી ગયું છે, અને તેનું પરીક્ષણ સખત રીતે કરવામાં આવી રહ્યું છે, જેથી તેની કાર્યક્ષમતા, ઉપયોગમાં સરળતા અને સાયબર સુરક્ષા સુનિશ્ચિત કરવામાં આવે. આ માટે 36 રાજ્યો અને કેન્દ્રશાસિત પ્રદેશો, 767 DEO અને 4,123 ERO સાથે પરામર્શ કરવામાં આવ્યું છે. 9,000 પાનાના દસ્તાવેજો અને માર્ગદર્શિકાઓની સમીક્ષા કરવામાં આવી છે, જેથી આ પ્લેટફોર્મ સુનિશ્ચિત રીતે કાર્યકુશળ અને સુરક્ષિત રહી શકે.