જો તમને વોટ્સએપ કે ફેસબુક પર કોઈ ધમકી મળે તો આટલું કામ જરૂરથી કરો

આજના યુગમાં સોશિયલ મીડિયા લોકોના જીવનમાં એક મહત્ત્વનો ભાગ ભજવે છે. જોવા જઈએ તો, ઇન્સ્ટાગ્રામ, વોટ્સએપ, ફેસબુક અને અન્ય સોશિયલ મીડિયા પ્લેટફોર્મ હવે કમાણીના માધ્યમ બની ગયા છે.

હવે વિચારો કે, સોશિયલ મીડિયા પ્લેટફોર્મ થકી જો તમને કોઈ ધમકી આપે તો? ચાલો જાણીએ આવી પરિસ્થિતિમાં તમારે શું કરવું જોઈએ.

સોશિયલ મીડિયા પ્લેટફોર્મ દ્વારા લોકો પોતાની વાતો અને લાગણીઓ એકબીજાને શેર કરે છે. એવું લાગે છે કે, આધુનિક દુનિયામાં કંઈપણ વ્યક્તિગત રહ્યું નથી. વિકાસની સાથે સાથે છેતરપિંડી અને સાયબર ક્રાઇમના કિસ્સાઓ પણ વધી રહ્યા છે.

ડીપફેક વીડિયો, નકલી ફોટા, નકલી આવકવેરા અને પોલીસ અધિકારીઓ તરીકે પોતાને રજૂ કરીને લોકોની સાથે છેતરપિંડી કરવામાં આવે છે. બીજું કે, હાલની તારીખમાં બ્લેકમેઇલ કરવાના ઘણા કિસ્સાઓ પણ બહાર આવ્યા છે. આવી સ્થિતિમાં, સ્વાભાવિક વસ્તુ છે કે વ્યક્તિએ સાવચેત રહેવું જોઈએ.

જો તમને વોટ્સએપ, ફેસબુક કે કોઈપણ સોશિયલ મીડિયા પ્લેટફોર્મ પર ધમકીઓ મળે છે, તો તમે ઘણા પગલાં હાથ ધરી શકો છો. આવી સ્થિતિમાં, ડરવાને બદલે કાળજીપૂર્વક વિચાર કરીને નિર્ણય લેવો જોઈએ.

જો બ્લેકમેઇલર્સ પૈસા માંગે છે, તો પૈસા ચૂકવશો નહીં. જે નંબર અથવા આઈડી પરથી ધમકીભર્યો મેસેજ આવ્યો છે તેને બ્લોક કરો. રિપોર્ટિંગ અથવા બ્લોક કરવાની સુવિધા પ્લેટફોર્મ પર ઉપલબ્ધ હોય છે. યુઝર્સ ઓનલાઈન અને ઓફલાઈન બંને રીતે કાનૂની કાર્યવાહી પણ કરી શકે છે.

ઓનલાઈન ધમકી મળે તો એપ્લિકેશન પર રિપોર્ટ કેવી રીતે કરવું? સૌપ્રથમ WhatsApp પર ચેટબોક્સ ખોલો. હવે ઉપર જમણી બાજુએ "ત્રણ ડોટ" ઓપ્શન પર ક્લિક કરો. મેનુમાં "રિપોર્ટ/બ્લોક" ઓપ્શન પર ક્લિક કરો.