5 મે 2025થી આઈફોન સહીત અનેક સ્માર્ટફોનમાં નહીં ચાલે વોટ્સએપ, જાણો કેમ અને તેમા તમારો ફોન તો નથી ને ?

તો એવામાં ચાલો જાણીએ કે, કયા સ્માર્ટફોનમાં WhatsApp કામ કરવાનું બંધ કરી દેશે.

5 મે 2025થી ઘણા સ્માર્ટફોનમાં WhatsApp કામ કરવાનું બંધ કરી દેશે. WhatsApp દર વર્ષે એવા ફોનનુ લિસ્ટ બહાર પાડે છે કે જે ખૂબ જૂના હોય અને જેના માટે કંપનીએ સોફ્ટવેર અપડેટ આપવાનું બંધ કરી દીધું હોય. તો ચાલો જાણીએ, કયા સ્માર્ટફોન પર WhatsApp બંધ થશે.

જણાવી દઈએ કે, WhatsApp ફક્ત iOS 15.1 અથવા તો તેનાથી ઉપરના વર્ઝન પર જ કામ કરશે. આનો અર્થ એ છે કે, જેમની પાસે iPhone 5s, iPhone 6 અને iPhone 6 Plus છે તેઓના ફોન પર WhatsApp કામ કરશે નહીં. તે લોકોને નવું ડિવાઇસ લેવું પડી શકે છે.

WhatsApp તેના યુઝર્સની સુવિધા સુધારવા અને તેમની પ્રાઈવસીને મજબૂત બનાવવા માટેનું કામ કરી રહ્યું છે. આના થકી તેઓ દર વર્ષે જૂના ડિવાઇસની લિસ્ટ બહાર પાડે છે કે જે સેફ નથી હોતા અને જેમાં અપડેટેડ ફીચર્સ કામ નથી કરતા. જે આઇફોન મોડેલ્સમાં એપલ સિકયોરિટી અપડેટ્સ પ્રદાન કરી રહ્યું નથી તેમાં ડેટા ચોરી થવાનું અથવા વાયરસ થવાનું જોખમ વધી જાય છે. આમાં WhatsApp બિઝનેસ એપનો પણ સમાવેશ થાય છે.