વ્રત કરનારા માટે મીઠાઈમાં કાજુનો હલવો બનાવો, તેને બનાવવાની રીત જાણી લો

હાલ ગૌરીવ્રત ચાલી રહ્યું છે, અને આવી સ્થિતિમાં આપણને અનેક પ્રકારની મીઠાઈઓ અને વાનગીઓ બનાવવાની જરૂર પડશે. શ્રાવણ મહિનામાં ભગવાન શિવને અર્પણ કરવા ઉપરાંત વ્રત રાખનારા લોકો માટે મીઠાઈમાં કંઈક ખાસ બનાવવું જોઈએ. તેથી તમારા માટે આવી જ એક મીઠાઈની રેસિપી લઈને આવ્યા છીએ, જે તમારા ઘરના દરેકને પસંદ આવશે. કાજુ કરીથી લઈને કાજુ કતલી સુધી, તમે વિવિધ પ્રકારની સ્વાદિષ્ટ મીઠાઈઓનો સ્વાદ માણ્યો હશે, પરંતુ શું તમે કાજુમાંથી બનેલો સ્વાદિષ્ટ હલવો અજમાવ્યો છે? જો નહીં, તો અમે તમને જણાવીશું કે ઘરે જ કાજુમાંથી હલવો કેવી રીતે બનાવવો.

કાજુનો હળવો બનાવવાની સામગ્રી

2 કપ શેકેલા કાજુ

1 કપ ખાંડ

કેસર

1 ચમચી એલચી

1/2 કપ ગરમ પાણી

નાળિયેર પાવડર

8 ચમચી ઘી

કાજુનો હલવો બનાવવાની રેસીપી

કાજુનો સ્વાદિષ્ટ હલવો બનાવવા માટે કાજુને ગ્રાઇન્ડરમાં નાખીને પીસી લો. કાજુના પાવડરને બાજુ પર રાખો.

એક બાઉલમાં કેસર લઇ તેને 2 ચમચી પાણી પલાળી દો.

હવે એક કડાઈમાં ઘી ગરમ કરો, તેમાં નારિયેળનો પાઉડર અને પીસેલા કાજુ ઉમેરો અને બ્રાઉન થાય ત્યાં સુધી શેકી લો.

જ્યારે નારિયેળ અને કાજુ શેકાઈ જાય, ત્યારે તેમાં ગરમ પાણી ઉમેરો અને મિશ્રણને હલાવતા રહો. હવે થોડી વાર પછી તેમાં ખાંડ ઉમેરીને ધીમી આંચ પર ચડવા દો. ધ્યાન રાખો કે તમારે તેને ચમચા વડે હલાવતા રહેવાનું છે, નહીં તો મિશ્રણ બળી શકે છે.

હવે તેમાં કેસરનું પાણી અને એલચી પાવડર નાખીને બરાબર મિક્સ કરી લો. જ્યારે હલવોમાંથી સારી સુગંધ આવવા લાગે ત્યારે ગેસ બંધ કરી લો.

હવે તેને સર્વિંગ બાઉલમાં કાઢીને સર્વ કરો, જો તમે ઈચ્છો તો હલવાની ઉપર કાજુનો ટુકડો મૂકી સજાવી શકો છો.