FIFA WC 2022 : સેમિફાઇનલમાં ટીમની હારથી મોરોક્કન ફેન્સ નારાજ, બેલ્જિયમ-ફ્રાન્સમાં હિંસા, જુઓ વીડિયો

FIFA વર્લ્ડ કપ 2022ની બીજી સેમિફાઇનલ મેચમાં મોરક્કોની ટીમને હારનો સામનો કરવો પડ્યો છે.

author-image
By Connect Gujarat in સ્પોર્ટ્સ સમાચાર
New Update
FIFA WC 2022 : સેમિફાઇનલમાં ટીમની હારથી મોરોક્કન ફેન્સ નારાજ, બેલ્જિયમ-ફ્રાન્સમાં હિંસા, જુઓ વીડિયો

FIFA વર્લ્ડ કપ 2022ની બીજી સેમિફાઇનલ મેચમાં મોરક્કોની ટીમને હારનો સામનો કરવો પડ્યો છે. શ્રેણીબદ્ધ અપસેટથી બધાને ચોંકાવી દેનાર મોરોક્કો અચાનક જ ટાઇટલ જીતવા માટે દાવેદાર બની ગયો હતો. પરંતુ ફ્રાન્સે 2-0થી જીત મેળવીને મોરોક્કોનું સપનું તોડી નાખ્યું હતું. મોરક્કોના ચાહકો ટીમની પ્રથમ હારને પચાવી શક્યા નથી. ફ્રાન્સની રાજધાની પેરિસ અને બેલ્જિયમની રાજધાની બ્રસેલ્સમાં મોરોક્કન ચાહકોએ ભારે હોબાળો મચાવ્યો હતો. બ્રસેલ્સમાં મોરોક્કન ચાહકોની પોલીસ સાથે અથડામણ થઈ હતી.


લગભગ 100 મોરોક્કન ચાહકોએ બ્રસેલ્સ સાઉથ સ્ટેશન નજીક પોલીસ પર ફટાકડા અને અન્ય વસ્તુઓ ફેંકી હતી. ચાહકો દ્વારા કચરાની થેલીઓ અને કાર્ડબોર્ડ બોક્સને આગ લગાડવામાં આવી હતી. પોલીસે હિંસા રોકવા માટે વોટર કેનન અને ટીયર ગેસનો ઉપયોગ કર્યો હતો. પોલીસે કેટલાક ચાહકોની અટકાયત પણ કરી હતી. જો કે આ અથડામણમાં કોઈને ગંભીર ઈજા થઈ નથી.


ફ્રાન્સ બીજી ટીમ છે, જે સતત બીજી વખત ફિફા વર્લ્ડ કપની ફાઇનલમાં પહોંચી છે. અગાઉ, બ્રાઝિલ 2002માં ફાઇનલમાં પહોંચ્યું હતું અને સતત બે વર્લ્ડ કપ ફાઇનલમાં રમનારી પ્રથમ ટીમ બની હતી. આ મેચમાં ફ્રાન્સ માટે થિયો હર્નાન્ડિઝે પાંચમી મિનિટે ગોલ કરીને પોતાની ટીમને 1-0ની સરસાઈ અપાવી હતી. આ પછી રાંદલ કોલો મુઆનીએ 79મી મિનિટે ગોલ કરીને પોતાની ટીમને ફાઇનલમાં પહોંચાડી હતી.

#angry #FIFA World Cup #viral video #Moroccan fans #Qatar #Match #Violence #football #BeyondJustNews #Connect Gujarat
Related Articles
Read the Next Article

ICCએ ભૂતપૂર્વ કેપ્ટન MS Dhoni ને હોલ ઓફ ફેમમાં કર્યા સામેલ

આંતરરાષ્ટ્રીય ક્રિકેટ પરિષદે ભારતીય ટીમના ભૂતપૂર્વ કેપ્ટન MS Dhoni ને હોલ ઓફ ફેમમાં સામેલ કર્યા છે. તેમને આ સન્માન આંતરરાષ્ટ્રીય અને ભારતીય ક્રિકેટમાં

author-image
By Connect Gujarat Desk | Updated On in સ્પોર્ટ્સ Featured
New Update
ધોની 3 વર્ષ અગાઉ શરૂ કરી શક્યો હોત પોતાની ક્રિકેટ કારકિર્દી!

આંતરરાષ્ટ્રીય ક્રિકેટ પરિષદે ભારતીય ટીમના ભૂતપૂર્વ કેપ્ટન MS Dhoni ને હોલ ઓફ ફેમમાં સામેલ કર્યા છે. તેમને આ સન્માન આંતરરાષ્ટ્રીય અને ભારતીય ક્રિકેટમાં તેમના અજોડ યોગદાન માટે મળ્યું છે. વર્લ્ડ ટેસ્ટ ચેમ્પિયનશિપ ફાઇનલ (WTC Final 2025) ના માત્ર 2 દિવસ પહેલા લંડનમાં એક સમારોહ યોજાયો હતો, જેમાં MS Dhoni સહિત 7 દિગ્ગજ ક્રિકેટરોને હોલ ઓફ ફેમથી સન્માનિત કરવામાં આવ્યા હતા.

ધોની સિવાય મેથ્યુ હેડન, ગ્રીમ સ્મિથ, ડેનિયલ વેટ્ટોરી અને હાશિમ અમલાને પણ હોલ ઓફ ફેમથી સન્માનિત કરવામાં આવ્યા છે. ધોની આ યાદીમાં સામેલ થનારા 11મો ભારતીય ક્રિકેટર બન્યો છે. ધોનીને આંતરરાષ્ટ્રીય નિવૃત્તિના લગભગ 5 વર્ષ પછી આ સન્માન મળ્યું છે. ધોનીએ 15 ઓગસ્ટ 2020 ના રોજ આંતરરાષ્ટ્રીય ક્રિકેટમાંથી નિવૃત્તિ લીધી હતી. MS Dhoni ની છેલ્લી મેચ 2019ના વર્લ્ડ કપની સેમિફાઇનલ મેચ હતી.

ધોની 'કેપ્ટન કૂલ' તરીકે જાણીતો હતો, જે સૌથી સફળ ભારતીય કેપ્ટનોમાંના એક પણ હતો. ભારતે તેમની કેપ્ટનશીપ હેઠળ 3 ICC ટ્રોફી જીતી હતી. ધોનીના નેતૃત્વમાં ટીમ ઈન્ડિયાએ 2007 T20 વર્લ્ડ કપ, 2011 વન-ડે વર્લ્ડ કપ અને 2013 ચેમ્પિયન્સ ટ્રોફી જીતી હતી.

એમએસ ધોનીએ 2004માં બાંગ્લાદેશ સામેની વન-ડે મેચમાં આંતરરાષ્ટ્રીય ક્રિકેટમાં ડેબ્યૂ કર્યું હતું. ત્રણ વર્ષ પછી 2007માં તેને ટીમ ઈન્ડિયાની કેપ્ટનશીપ મળી હતી. 2007ના T20 વર્લ્ડ કપમાં ભારતીય ટીમ એક યુવાન ખેલાડીની કેપ્ટનશીપમાં રમી રહી હતી, પરંતુ જ્યારે ભારતે ફાઇનલમાં પાકિસ્તાનને હરાવ્યું, ત્યારે સમગ્ર ભારતે ઉજવણી કરી હતી. એમએસ ધોનીની કેપ્ટનશીપ હેઠળ ભારતે 2010 અને 2016માં એશિયા કપનો ખિતાબ પણ જીત્યો હતો. તેમને 2008 અને 2009માં ICC પ્લેયર ઓફ ધ યરનો એવોર્ડ પણ મળ્યો હતો.

Latest Stories