ICC Revenue : ICC ની કમાણીમાં ભારતનો હિસ્સો સૌથી વધુ, પાકિસ્તાન ઘણું પાછળ..!
દર વર્ષે ઈન્ટરનેશનલ ક્રિકેટ કાઉન્સિલ (ICC)ની કમાણીના હિસ્સામાં ભારત સૌથી આગળ છે જ્યારે પાકિસ્તાન ચોથા નંબરે છે.
દર વર્ષે ઈન્ટરનેશનલ ક્રિકેટ કાઉન્સિલ (ICC)ની કમાણીના હિસ્સામાં ભારત સૌથી આગળ છે જ્યારે પાકિસ્તાન ચોથા નંબરે છે. વર્ષ 2024-27 માટે ICCના નાણાકીય મોડલમાં, BCCIને દર વર્ષે આશરે રૂ. 1892 કરોડ (US$231 મિલિયન) મળશે જ્યારે પાકિસ્તાનને માત્ર રૂ. 282 કરોડ (US$34.51 મિલિયન) આપવામાં આવશે. BCCI દર વર્ષે પાકિસ્તાન કરતાં સાત ગણી વધુ કમાણી કરશે.
મીડિયા રિપોર્ટ્સ અનુસાર, BCCIને ICC દ્વારા કમાણી કરાયેલી આવકના 38.5 ટકા મળશે. ICCને લગભગ 4916 હજાર કરોડ રૂપિયા (600 મિલિયન યુએસ ડોલર) મળવાની આશા છે અને આમાં BCCIનો સૌથી મોટો હિસ્સો 38.5 તરીકે રહેશે. આ પછી, ઇંગ્લેન્ડ ક્રિકેટ બોર્ડ (ECB) ને આશરે રૂ. 338 કરોડ (US$41.33 મિલિયન) અને ક્રિકેટ ઓસ્ટ્રેલિયા (CA)ને આશરે રૂ. 307 કરોડ (US$37.53 મિલિયન) મળવાની શક્યતા છે.
બાકીના આઠ પૂર્ણ સભ્યોની કમાણી પાંચ ટકાથી ઓછી હશે. BCCI સતત ભારપૂર્વક જણાવે છે કે ભારતના ઉચ્ચ યોગદાનને કારણે તે ICCની આવકમાં વધુ હિસ્સાને પાત્ર છે. જોકે ICC નવા નાણાકીય મોડલ પર તમામ દેશોના બોર્ડના પ્રતિસાદની રાહ જોઈ રહ્યું છે અને આ મોડલને આવતા મહિને ICCની વાર્ષિક બેઠકમાં પણ મંજૂરી મળી શકે છે.
