MS ધોનીનો 43મો જન્મદિવસ, ચાહકોએ સોશિયલ મીડિયા પર પાઠવી શુભેચ્છા

ભારતીય ક્રિકેટ ટીમના સૌથી સફળ કેપ્ટનમાંથી એક મહેન્દ્ર સિંહ ધોનીનો આજે 43મો જન્મદિવસ છે. તેના જન્મદિવસને લઈને ચાહકોમાં ભારે ઉત્સાહ છે.

ચાહકો આ દિવસની રાહ જુએ છે અને એક દિવસ અગાઉથી ઉજવવાનું શરૂ કરે છે. ધોનીના ચાહકોએ તેને જન્મદિવસની શુભેચ્છા પાઠવી છે. ભારતીય ટીમના પૂર્વ કેપ્ટન મહેન્દ્ર સિંહ ધોનીની ફેન ફોલોઈંગ વિશે બધા જાણે છે. IPLમાં ધોનીનો ક્રેઝ ઘણો વધારે છે. તે મેદાનની બહાર પણ જ્યાં પણ દેખાય છે, ચાહકો તેની એક ઝલક મેળવવા માટે દીવાના હોય છે. એમએસ ધોનીના જન્મદિવસ પર ચાહકોમાં આને લઈને ભારે ઉત્તેજના છે. સાથી ખેલાડીઓથી લઈને ચાહકોએ સોશિયલ મીડિયા દ્વારા માહીને જન્મદિવસની શુભેચ્છા પાઠવી છે.