MS Dhoni: 2019 વર્લ્ડ કપમાં હાર સહન ન કરી શક્યો, ભાવુક ધોનીએ કર્યો મોટો ખુલાસો.!

વર્લ્ડકપ 2019ની સેમીફાઈનલમાં ભારતીય ટીમને હારનો સામનો કરવો પડ્યો હતો. 11 જુલાઈ, 2019 ના રોજ, ન્યુઝીલેન્ડે ટીમ ઈન્ડિયાને હરાવી ફાઇનલમાં પ્રવેશ કર્યો.

જોકે ટાઈટલ મેચમાં ન્યૂઝીલેન્ડને ઈંગ્લેન્ડ સામે હારનો સામનો કરવો પડ્યો હતો. આ મેચ ભારત માટે પૂર્વ ભારતીય કેપ્ટન મહેન્દ્ર સિંહ ધોનીની છેલ્લી મેચ હતી, પરંતુ ધોનીના રન આઉટ થતા જ ટીમ ઈન્ડિયાની તમામ આશાઓ પર પાણી ફરી વળ્યું હતું. દરમિયાન, હાલમાં જ મહેન્દ્ર સિંહ ધોનીએ 2019 વર્લ્ડ કપની સેમિફાઇનલમાં હાર પર મોટો ખુલાસો કર્યો છે.

ધોનીએ એક ઈવેન્ટ દરમિયાન એમ પણ કહ્યું કે મારા ઘૂંટણનું ઓપરેશન કરવામાં આવ્યું છે અને હું હાલમાં રિહેબમાંથી પસાર થઈ રહ્યો છું. ડૉક્ટરે મને કહ્યું છે કે તમે નવેમ્બર સુધીમાં સાજા થઈ જશો. તમે જાણો છો કે લોકો મને એક સારા ક્રિકેટર તરીકે યાદ કરે છે તેની મને પરવા નથી. હું હંમેશા ઇચ્છતો હતો કે લોકો મને એક સારા વ્યક્તિ તરીકે યાદ રાખે.

તમને જણાવી દઈએ કે ભારતીય ટીમના સૌથી સફળ કેપ્ટન મહેન્દ્ર સિંહ ધોની (એમએસ ધોની)એ ઓગસ્ટ 2020માં પોતાની આંતરરાષ્ટ્રીય ક્રિકેટ કારકિર્દીમાંથી નિવૃત્તિ લીધી હતી. જોકે, તે IPLમાં CSK ટીમની કેપ્ટનશિપ કરી રહ્યો છે. છેલ્લી સીઝન 2023 માં, તેમની કેપ્ટનશીપ હેઠળ, CSK ટીમે પાંચમી વખત ખિતાબ જીત્યો હતો.