સુરત : લસકાણામાં યુવકની હત્યા બાદ માથું અને ધડ અલગ અલગ મળી આવતા અરેરાટી વ્યાપી,પોલીસે રહસ્યમય ઘટનાનો ભેદ ઉકેલવાના શરૂ કર્યા પ્રયાસ

લસકાણામાં બની રહસ્યમય હત્યાની ઘટના

પોલીસે મૃતકની ઓળખ માટેના શરૂ કર્યા પ્રયાસ

સુરત શહેરના લસકાણા વિસ્તારમાં આવેલા વિપુલનગરમાં એક યુવકની હત્યા બાદ કપાયેલું માથું અને ધડ અલગ અલગ મળી આવતાચકચાર મચી ગઇ હતી.પોલીસે આ રહસ્યમય ઘટનાનો ભેદ ઉકેલવા માટેના પ્રયાસો શરૂ કર્યા છે.

સુરતના લસકાણા વિસ્તારમાં આવેલ વિપુલ નગરમાંથી એક રહસ્યમય ઘટના પ્રકાશમાં આવી હતી.એક યુવકની હત્યા બાદ તેના નિર્દયતા પૂર્વક માથું અને ધડ કાપીને અલગ અલગ ફેંકી દેવામાં આવ્યા હતા.જે અંગેની જાણ લાસકાણા પોલીસ અને ક્રાઈમ બ્રાન્ચને કરવામાં આવતા પોલીસ કાફલો ઘટના સ્થળે દોડી આવ્યો હતો.

પોલીસ તપાસમાં યુવકનું માથું કચરામાંથી મળી આવ્યું હતું,જ્યારે ધડ નજીકમાં આવેલ મકાનમાંથી મળી આવ્યું હતું.પ્રાથમિક તપાસમાં પોલીસે યુવકની હત્યા કરીને લાશનું માથું અને ધડ કાપીને અલગ અલગ ફેંકી દેવામાં આવ્યા હોવાનું અનુમાન લગાવવામાં આવી રહ્યું છે.

પોલીસે હાલ રહસ્યમય ઘટનાનો ભેદ ઉકેલવા માટે તપાસનો ધમધમાટ શરૂ કર્યો છે.અને મૃતક યુવકની ઓળખ પરેડ માટેની કાર્યવાહી પણ શરૂ કરવામાં આવ્યા છે.